NotForMen

Секогаш кога ќе налетате на момче кое уште на првиот состанок ќе ја спомне „мама", минимум 2 пати, ви се ежи кожата и наеднаш деновите после тоа ви се крајно преокупирани со безброј други обврски. Говори за вкусното готвење на мајка си и брза дома да го завари топло... ваквите мамини синчиња знаат да ве извадат од кожа. Деновите по состанокот тонот на вашиот мобилен телефон е недоволно гласен за да го чуете, а за да возвратите на пропуштениот повик немате доволно кредит.

Но можеби и ќе го промените своето мислење кога ќе ги прочитате заклучоците од последните испитувања на државниот универзитет во Arizona кои дадоа резултат дека овие мамини синчиња се одлични партнери и супер материјал за брак.

Имаат подобри комуникациски вештини. Години наназад ја гледале мајка си како комуницира и се поврзува со другите луѓе, па со тоа многу е полесно да не се водат од машките стереотипи за агресивност и рамнодушност во врската.

Тие многу повеќе ги искажуваат чувствата и се повнимателни слушатели кога жената говори, ги има сите квалитети за кои мечтаевте да ги има вашиот партнер. Имаат поголема способност за емпатија со вас и вашите проблеми.

Уште подобро нивната отвореност и способност за внимателно слушање прават да располагаат со одлични вештини во креветот.

Многу почесто завршуваат во здрави, моногамни врски.

Но нивната репутација сепак не е залудна! Тие во животот сепак имаат блиска врска со друга жена (мајка си) која може да и ги истанчи нервите на секоја девојка или сопруга. Тоа можете да го пребродите само ако не ја гледате таа нивна врска како закана и мислење дека вашето момче има ограничена количина љубов и внимание, па ќе го потроши цело на неа.

Сепак мора да поставите граници!

Ако зборува со неа на телефон додека сте интимни или ви откажува планови за да ја види неа, мора да истапите и да кажете нешто. Покажете дека ви се допаѓа неговата поврзаност со родителите, но сепак вие треба да сте тим кој е на прво место. Потоа дадете предлог да и се јавува на паузата за ручек од работа и таа да не доаѓа кај вас кога поминувате време сами дома.

И додека повеќето од вас се воодушевени од момче кое ќе зборува за своите емоции, сепак ќе ви биде премногу ако маминото синче во него секогаш е на површината. Ако се дојде до горната граница, најдобро е да го поттикнете неговото маженствено однесување со некои изјави како тоа дека е многу секси кога го менува маслото на неговата кола, кога стои цврсто на своите ставови и слично. Ова ќе му даде на знаење дека колку што ја обожавате неговата емотивна страна, толку ја сакате и неговата машкост!

И за крај, секогаш избегнувајте го терминот мамино синче! Без разлика колку се емотивни, мажот сепак сака да биде маж. Многу момци знаат дека се мамини синчиња... и тоа е доволно засрамувачко за нив.