.gif)
После вистинското „Те сакам“ се изгледа посигурно, порозово, послатко, тоа е јаготката на шлагот на една убава и успешна врска.
Колку сте вие емотивна личност, колку партнерот го заслужил тоа, јачината на меѓусебната хемија, па и интензитетот на врската се само дел од големиот број фактори за оваа нова фаза во вашата врска. После вистинското „Те сакам“ се изгледа посигурно, порозово, послатко, тоа е јаготката на шлагот на една убава и успешна врска.
Стоп за „Те сакам“ во првите 3 дена
Може го знаете одамна, одамна мечтаете по неговите усни и прегратки и конечно е ваш, но тоа не значи дека смеете да си го дозволите луксузот да му ја искажете својата љубов во првата недела од врската.
Како прво тешко дека вистински го чувствувате тоа бидејќи за една недела освен физичка привлечност, не може да се развие ништо повеќе, а со самото тоа се губи магијата на овие 2 збора. Исчезнува исчекувањето, возбудата и трудот да се заслужи тоа.
Како второ во првата недела од врската се уште не го познавате доволно за да знаете дека тоа нема да го искористи против вас. Тој ќе биде сигурен во вашите чувства спрема него и наеднаш ќе се опушти и ќе се труди помалку околу врската, а ве демне ризик и од тоа да започне да бара физички да му ја докажете таа љубов со секс бидејќи нели тој „не верува во зборови туку во дела“.
Стоп за „Те сакам“ наместо „Чао“
Сигурно и вие во ваша близина имате некој пар кој секој телефонски разговор наместо со поздрав го завршува со „Те сакам“, а во секоја порака го пишува истото. Па каде се тука пеперутките во стомакот кои ги будат овие зборови, кога тие се користат па 20 пати на ден како нешто сосема безначајно?
Да, можеби се сакате премногу, но не мора секој случаен минувач да го чуе тоа или пак да го користите тоа постојано за да им докажете на пријателките колку „совршена“ врска имате. Вибрациите на заљубените гулапчиња на далеку се чувствуваат, за тоа не ви се потребни толку многу зборови и мегафон.
Стоп за заборав на „Те сакам“
Знаете дека се сакате, сте направиле многу еден за друг, заедно сте повеќе од 2 години, а од „Те сакам“ ни траг, ни глас. Тој постојано говори како не сака вакви „лигави“ изјави, а вас гордоста не ви дозволува да бидете онаа која ќе го скрши ледот. Упорно се убедувате себе си и другарките дека не ви е потребно да го чуете тоа од него, бидејќи го знаете, но и сами сте свесни дека длабоко во себе очајно посакувате да го чуете. Верувајте вреди да и се спротивставите на тврдоглавоста и конечно да попуштите. Бидете вие таа која ќе каже „Те сакам“ прва, па на крајот на краиштата и да не добиете повратен одговор ќе се чувствувате убаво што сте си ја отвориле душичката, а многу скоро и тој сигурно ќе собере храброст и ќе ви го разубави денот.
И за крај, кажувајте „Те сакам“ кога душата ќе го вреска тоа со сета своја сила, а телото ќе ви трепери во сигурноста на неговата прегратка, умот ќе ви посочува едно име, а сите патишта ќе ве водат само кон него.
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
