.gif)
Никогаш не правете ја грешката на многу девојки, кога ќе се одлучите за едниот другиот да заврши фрлен на буниште.
Крстосниците се нормална појава на секој пат, па така и вашиот животен пат, исполнет со нагорнини и падови, често ве носи до крстосница. Да го одберете вистинскиот пат, да ја донесете одлуката, за која утре нема да се покаете, е навистина тешко. Па така и кога во вашиот живот ќе се појават двајца мажи, секој од нив единствен и квалитетен на свој начин, вие мора да одберете.
Притисок да одберете
Во тие мигови ве притиска времето, ве притискаат моралните норми да не бидете со повеќе од еден маж, но и човечноста, сурово да не повредите невино срце, чиј единствен грев е љубовта кон вас.
Хемија v.s. сигурност?
Едниот ви прави пеперутки во стомакот секогаш кога е покрај вас, чудна енергија и адреналин чувствувате во секој миг поминат со него. Страста е неизбежен дел од вашето заедничко дружење, а желбата да ги направите најлудите работи во животот е заедничка за двајцата.
Другиот е прекрасен маж кој ви дава чувство на сигурност, без малку ги исполнува сите критериуми од ваша листа, сигурна сте дека тој би бил верен, посветен и пожртвуван партнер.
Едниот нуди адреналин и забава, другиот искуство и мудрост. Едниот – страст до плафонот, другиот – искрена љубов. Едниот – незаборавни мигови и другиот – незаборавни мигови.
Што да сторите сега?
Најлошиот можен избор е да се исплашите од ситуацијата и да се повлечете, а нив да ги оставите во исчекување.
Појдете на кафе и разговор прво со едниот, па со другиот. Со скокотливи прашања потрудете се да откриете што се крие под површината. Поставете си ги своите приоритети. Убаво размислете каков тип на девојка сте и со што и колку би можеле да се задоволите. Не лажете се дека со време ќе дојде и другото што недостига, можеби да, но можеби и никогаш, затоа фатете се за тоа што веќе го поседуваат и ослободете се од одговорноста да бидете нечија воспитувачка.
Бидете човечни до крај!
Никогаш не правете ја грешката на многу девојки, кога ќе се одлучите за едниот другиот да заврши фрлен на буниште.
Не заслужил тој да не му кренете телефон кога ѕвони упорно или да не му посветите два часа и со кафе и разговор и отворено да му кажете дека е прекрасен човек, но вие веќе го пронајдовте тоа што ви е потребно во друг маж.
Зошто да мисли на вас и залудно да се надева, кога после искрен разговор може целосно да се насочи кон друга девојка, а за вас цел живот да има позитивно мислење? Можеби во моментот ќе биде лут, но секогаш ќе ве цени и ако еден ден посакате да се предадете во неговите прегратки ќе имате многу поголеми шанси, отколку само да го избришевте од вашиот животен распоред без никакво објаснување дадено нему.
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
