.gif)
Нејзиното постоење беше неговата среќа, а таа му беше неговата најубава кога на себе немаше ниту грам шминка, а косата и беше несредена, како станата од спиење.
Само кога ќе ја погледнеше од неговите очи како сонце да сјаеше. Се што сакаше тој беше таа да биде покрај него секој ден до крајот на животот. Ретко кој маж знае да сака така, да дари љубов, внимание и романтика несебично на својата муза.
Една и единствена
Интересно беше што додека се движеа заедно тој ниту еден единствен пат не се сврте по друга девојка. И не затоа што таа го бараше тоа од него или затоа што го сметаше тоа за културно, едноставно за него како да не постоеше друга, немаше од неа ни поубава, ни позаводлива. Нејзиното постоење беше неговата среќа, а таа му беше неговата најубава кога на себе немаше ниту грам шминка, а косата и беше несредена, како станата од спиење. Ја сакаше во секое издание, а со неа имаше желба да го помине секој миг од денот.
Несебични жртви
И тогаш кога ќе немаше пари за такси, без ниту една забелешка ќе поминеше пешки 5 километри до нејзиниот дом за да ужива во нејзината прегратка.
За неа одбра повод и го стори најромантичното нешто, можеби не верувате, но вистина е, тој и напиша љубовно писмо, во него ја воскресна сета романтика на минатите времиња. Не на тастатура и го напиша со пенкало и одбра плико на кое ја имаше најубавата бела роза, затоа што тоа беше нејзиниот омилен цвет.
На тоа парче бела хартија ја преточи сета своја љубов кон неа, ја врати на спомени и детали за кои таа не ни сонуваше дека се се уште во неговата меморија. И купи есенцијално масло со најнежниот мирис на јасмин, свеќички и и ја подготви најубавата вечера. Немаше некои кулинарски способности, но љубовта вложена и снаодливоста го направија овој оброк незаборавен.
Ја држеше за рака, а сета романтика направи тие да треперат како првиот ден од нивната љубов.
Секојдневни мали задоволства
Масажите после напорниот работен ден и ги даруваше несебично, за кои другите мажи треба да ги молите и убедувате.
Тој работеше работа која не ја сакаше само за да обезбеди услови да биде покрај неа, а секоја нејзина желба беше негова цел.
Кратките пораки само со еден бакнеж или содржина „те сакам“ пристигнуваа во најнеочекуваните моменти, а од нејзиното лице мамеа насмевка на блаженство. Беше далеку од другите мажи, кои поради многубројните обврски немаат ниту миг во денот за да и се јават на својата девојка, да и посветат внимание или да поминат неколку часа со неа.
Имаше тој многу работи, но сепак не останаа заедно.
Можеби таа беше премногу груба за сите овие нежности или причината беше нешто сосема друго, но таму некаде сигурно има дузина девојки кои коси би кубеле за да се будат покрај овој маж до крајот на животот.
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
