.gif)
По игра на случајности се открија скриените карти, се открија црвените траги од кармин по неговиот врат и мирисот на друга жена во неговиот кревет.
Познат по градот со насмевка од милион долари и коса нежна како кадифе. Не сме површни, но на божествена убавина паѓаат и најсилните.
Во комбинација со уште неколку досетки и несекојдневни филозофии за животот овој маж беше сон на речиси секоја жена. Можеби не би го посакале до себе за цел живот, но една ноќ со неговите бакнежи на вашиот врат ќе ви изгледа како совршено сценарио во тој миг.
Конечно се вети!
И така стотици девојки го почувствуваа вкусот на тие усни, а тој се будеше покрај русокоси, црвенокоси, бринети, но едно утро виде локни кои го заробија.
Не се предаде лесно, но после 6 месеци повремено гледање, се вети на врска и моногамност. Тој ја почувствува оваа девојка во срцето така топло, што во него се разбуди сета романтика на овој свет. Секоја љубовна песна и ја посветуваше неа, ја чуваше како разлутен пес од сите машки погледи, а часовите од денот без неа му беа досадно поминато време.
Разочара!
Токму кога сите помислија дека женкарот го најде својот дом, историјата се повтори! По игра на случајности се открија скриените карти, се открија црвените траги од кармин по неговиот врат и мирисот на друга жена во неговиот кревет, а ниту една очајна изјава не можеше да ги побие доказите. Ја разочара љубената, се разочара себе си...
Ја прокоцка секоја шанса!
Но љубовта е и слепа и болна, па така тој доби втора шанса. Златестите локни и љубовната пајажина на оваа жена повторно не беа доволно силни за тој да не потклекне пред раширените нозе на русокосата надарена сосетка. Што размислуваше кога ја изневери?
И тогаш ја изгуби засекогаш! Се што правеше од тој ден па месеци потоа, еве и денес го прави истото се залудни обиди да го поправи скршеното. Но тој сам си дозволи 2 пати да го скрши огледалото, 14 години несреќа се на неговиот животен пат. Можеби не буквално, но ако оваа жена беше неговиот поим за среќа, како што велеше тој, тогаш му следи период на празнина и лузна на срцето.
И зошто сета таа парада на безусловна љубов, зошто сет тој театар за јавноста, зошто сите тие расплакани повици по нејзините пријателки, кога самиот ја донесе својата одлука. Ако неколку бурни ноќи се доволни да се ризикува 2 години љубов, тогаш да се запрашаме дали тој знае да љуби? Или пак мисли дека ја љуби затоа што само со неа е вистинскиот во својата кожа, а всушност е заљубен во самиот себе? Сета таа драма, а на крајот само една вистина – еднаш женкар, секогаш женкар!
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
