.gif)
Не сте ниту прва, ниту последна којa поминува низ тој тежок период после раскинувањето.
Од глава не ви излегува ниту тој, ниту вашата омилена песна, ниту местата на кои што одевте заедно. Не сте ниту прва, ниту последна којa поминува низ тој тежок период после раскинувањето.
Но сепак треба да останете доследна на себе и да си ги забраните овие четири сценарија за поранешниот:
Не му се јавувајте секој пат кога ќе помислите на него!
Ако на секои 7 минути низ вашата глава поминува вашиот поранешен нема да бидеме загрижени, тоа е нормално бидејќи има толку многу работи кои ве потсетуваат на него. Можеби песната со која ви ѕвонеше тој на телефон, некој подарок од него, последниот филм кој го гледавте заедно или жената во ресторанот до вас која го порачува неговото омилено јадење.
Но ако на секое помислување на него го барате на телефон, тоа ќе биде вистинско демнење и лудило.
Не ги споделувајте вашите емоционални драми на Фејсбук!
Тоа значи и за оние кои се прекриени со тенок превез. Иако можеби мислите дека пишувате кодирано, сите знаат точно за што зборувате. Статусите како „се се случува со причина“ или „некои луѓе не вреди ни да се спомнат“ и слично, прават да изгледате како да не сте продолжиле понатаму, а и дека нема да го сторите тоа во блиска иднина. Кажете си: Фејсбук не е мој дневник, Фејсбук не е мој дневник...
Не се фрлајте во рацете на друг маж!
Да го појасниме ова, воопшто не говориме против некаква авантура или пак да се фрлите во креветот на друг маж, говориме дека не треба емоционално да се врзете со друг маж и да скокнете во нова врска.
Знаеме дека не сте навикнати да не бидете дел од двојка, но прво дозволете му на телото да се олади бидејќи само така ќе имате добри шанси вашата наредна врска да потрае.
Не пробувајте да бидете „само пријатели“ веднаш!
Подготвивме квиз за да сфатите дали сте спремни да бидете негова пријателка. Дали ќе ви биде тотално сеедно да го чуете како зборува за новата девојка која му се допаѓа?
Еден поен за „да“, а два поена за „никако“. Ако имате повеќе од еден поен, тогаш кафе со бившиот не ви е потребно, а пак пријателството со него не доаѓа предвид.
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
