.gif)
Со чекорите на заборавот стигнавте до моментот кога се будите во топла прегратка, среќни и исполнети, но ве разбудија токму спомените за поранешниот. Оној за кој срцето се уште безгласно прашува додека се борите со сите рационални сили да не го памети неговото име.
Која сила ве натера некогаш, а и се уште ве прогонува да мислите на него? Дури и сега кога со друг имате многу повеќе отколку што баравте и очекувавте.
Љубовен живот замрачен од минатото
Мислите не ви даваат мир за да се предадете целосно на мажот кој во моментот е единственато сонце во вашиот љубовен живот замрачен од минатото.
Среќата има моќ да ве разнежни кога тој ве допира, да ве наполни со доверба, надеж, бескрајна љубов, но во главата ви се појавуваат милион прашалници за минатото.
Спомените од минатото и тој поранешниот во него, на моменти, се чини како да имаат поголема моќ. Тоа што ве тера да мислите на него е посилно од се, дури и од задоволството што го имате во оваа врска во која љубовта не ви е милостина како што беше со поранешниот.
NotForMen препорака: Мислете, зборувајте и дејствувајте со љубов!
Зошто не можете да сакате повторно?
И не еднаш сте посегнале по логиката за ова ваше чудно однесување! Зошто фрлате прашина на убавите моменти кои ви ги сервира љубовта и посегнувате по српот да ја скротите нејзината убавина? Самоизмачувањето со мислите дека неможете да сакате друг како него го руши темелот на вашиот нов живот во кој ќе ви го надополнат некогашниот недостаток на љубов!
Неговите трошки љубов
Она што некогаш во вас предизвикуваше оган од емоции сега е само жар кој тлее и не ви дава мир да продолжите по патот на кој тој ве остави без ни најмала грижа на совест, без парченце љубов. А вие го сакавте неизмерно, бескрајно, вистински...
Неговата невозвратена љубов и сета болка која ви ја нанесе за вас можеби беше надеж дека ќе го заборавите многу брзо. Но, токму фактот дека не ја заслужува вашата љубов како да е причина за секое ваше сеќавање на него.
Зарем не му беше доволна вашата љубов и се што направивте за него? Со што ја заслуживте тагата од неговите трошки љубов? Никој незнае.
Едноставно убедете се дека така требало да биде - да се стави крај на се. Секој во животот си има свој пат, а на вашиот тој беше само случаен минувач кој ќе го паметите по лошо. Секој ја пронаоѓа вистинската личност за себе. Може тоа е токму мажот кој во моментов е до вас. Погледнете, размислете, засакајте, затоа што љубовта заслужува и втора шанса!
-
Се гледате веќе месец дена интензивно, а се уште не знаете дали официјално сте во врска? ... -
Запомнете, живеењето со вас можеби не е секогаш лесно како прошетка до парк и за него. ... -
„Кога маж од 40 години се заљубува во девојка од 20, тој не ја бара нејзината младост, туку својата.“ ...
.gif)
