.gif)
Го посетивте својот фризер за да ја смените бојата на косата. Возбудени си замислувате како ќе се облечете и нашминкате и како околината ќе ве запознае во ново светло. Во едно успеавте, околината ќе има можност да ве запознае во ново светло, но со гнездо на глава.
Ова ѝ се случи на мојата пријателка. Целиот живот имаше навика сама да ја бојадисува косата. Еднаш реши да отиде на фризер и се врати како попарена. Косата ѝ беше пепел. Изгледаше како некој да фрлил цигара во нејзината глава.
Навистина сочувствуваме со сите што сте го доживеале истиот кошмар. Друго е да излезете со осакатена фризура, ќе си речете тоа е коса, ќе порасне. Но што можете да сторите со сосема пеплосана коса?
Постои еден третман што мора да ѝ го овозможите на косата веднаш по излегувањето од салонот. Затоа, избришете ги солзите и отрчајте во бањата.
Третманот се состои од 5 чекори и трае два дена, без да ја земеме предвид тековната нега.
Прв чекор: За почеток заборавете на чешлањето, тоа нема да ви помогне да ги измазните безживотните прамни. Четката ќе ги искине и онака оштетените прамни и ќе предизвика двоење на врвовите.
Втор чекор: Наведнете ја косата под чешма и ставете и големо количество регенератор. Излезете и завиткајте ја во крпа или ако имате можете да ставите и медицинска капа. Чувајте ја така барем еден час, ако немате време, барем 15 минути. Ова е само почеток на третманот кој на почетокот овозможува хидратација и дотур на хранливи материи. Откако ќе ја исплакнете косата, заборавете на фенот, а камоли на какви било хемикалии.
Трет чекор: Следниот ден заминете во парфимерија или порачајте од каталог ампули за брзо регенерирање на косата. Можете да најдете и цело пакување од по три во кое е вклучен и специјален шампон и ампула со моментно дејство.
Четврти чекор: Нанесете ја ампулата и оставете ја да се исуши на косата. Сигурно ќе сакате да го забрзате процесот со фен, но гледајте да го избегнете. Ќе забележите дека косата ќе се стврдне, оставете ја тека, нема потреба од чешел. Влезете под тушот и убаво исплакнете ја без да ја фаќате.
Петти чекор: Сега можете да ставите од шампонот, не заборавајте и на регенераторот. Ви препорачуваме да користите иста формула, односно да земете пакет производи од иста фирма и редовно да ги употребувате додека косата да живне. Сега не е време да експериментирате со различни производи.
-
Таа е новата русокоса икона на Холивуд со сјај на слонова коска во косата и тонови на кајсија и мед. ... -
Blair Waldorf во Gossip Girl ги направи познати лентите за коса и кадриците. ... -
Фенирањето дома ви е измачувачка мисија? Еве 14 совети како да бидете успешна во тоа. ...
.gif)
