ДАЛИ КАФЕНАТА БОЈА Е ВИСТИНСКА ЗА ВАС?
Можеби луѓето се навикнати да ве гледаат со црна коса. Како ќе реагираат кога ќе им се појавите со светлокафена коса? Што ако критиките се лоши, а што ако вам лично не ви се допадне? За да знаете дека ја правите вистинската работа, треба да ги исполнувате следните критериуми:
Вие сте природно кафена...што значи дека е мал ризикот дека нема добро да ви стои посветла или потемна нијанса од природната.
Немате време за многу негување...русата коса не може да помине без негување, во спротивно изгледа слаба, изгорена, без сјај и ја менува бојата. Тоа не е случај со кафената коса. Доволно е едно миење за да изгледа средено. Доволно е фризерот само да ви ја открие бојата и ќе можете и бојосувањето да го изведувате во домашни услови.
Вашата коса е сува и оштетена...темната коса најдобро ја рефлектира светлината, ги покрива расцветените врвови и недостатоците.
КАКО ДА СТАНЕТЕ НАЈУБАВА БРИНЕТА?
Бојосувањето правете го според фризурата. Ако косата ви е со иста должина, за да добиете целосен чоколаден ефект, бојосајте ја со потемна боја. Ако е куса или во степени, врвовите направете ги посветли. Ако сакате да добиете волумен, тогаш можете да извадите и руси прамени. Слободно можете да ги издвоите во три различни нијанси, кафената основа може да го поднесе тоа.
КАКО ДА ЈА ИЗБЕРЕТЕ ВИСТИНСКАТА КАФЕНА НИЈАНСА?
Постојат илјадници нијанси на кафено и од тие причини се прават најголемите грешки. Мора да расчистите со себе, дали сакате темнокафена, што значи накај црно, или сакате светлокафена коса, речиси руса?
За полесно да се одлучите...
Погледнете неколку слики од познатите, сликите се одличен водич. Најдете различни нијанси за да заклучите што ви се допаѓа, а што не.
Набљудувајте го тенот, тој најдобро ќе ви покаже како да ја бојосате косата. Ако сте бледи, темната кафена коса дополнително ќе ве осветли.
