ДОЛГА или КРАТКА коса?
Кратките фризури обично се наменети за летниот период. Лесни за одржување, намалено потење, секој би се одлучил да си ги скрати маките. Долгата коса, пак, е идеална за зимскиот период, но нејзиното негување е комплицирано. Сега се најдовте во недоумица, не ги сакате слабостите од двете должини???
РЕШЕНИЕ:
Останува да пробате со средната должина. Ваквиот компромис е одличен за девојките што се плашат да ја скратат косата, а ќе ги задоволи и фановите на кратката фризура бидејќи ќе може да експериментираат со фризурите и големиот избор модни додатоци.
ЕФЕКТ:
Самата должина на косата е софистицирана, ги нагласува јаболкцата и успешно ги прикрива неправилните црти на женското лице. Жените со долгнавесто или овално лице, исто така може да си ја дозволат оваа должина на коса.
ИЗБОР НА ФРИЗУРИ:
Како што споменавме, должината овозможува да експериментирате во големи граници.
Ако сакате гламурозен изглед, тогаш зачешлајте ја косата настрана, издвојте неколку кадрици и лабаво соберете ја. Додајте цвет или шнола и подготвени сте за излегување. Истото можете да го направите и со пуштена коса...предниот дел поткренете го настрана.
За пошик изглед, исправете ја косата, направете волумен со четката и фенот, и пуштете ја природно да паѓа. Можете и шишките да ги кренете нагоре, косата ставете ја зад уши, крупни обетки и ќе изгледате модерно.
