Редовното потстрижување е најдобриот рецепт за квалитетна коса
И покрај тоа што имате квалитетна коса со која можете да се пофалите и да делите совети за нејзиното негување, сепак секоја од вас се уште има некоја дилема. Дали навистина косата цвета ако се чешла додека е водена или дали сјајот на косата зависи од редовното чешлање? Многу прашања, а исто толку спротивставени ставови.
ПОСТАВЕТЕ НИ ПРАШАЊЕ!
Доколку имате некаква дилема за вашиот изглед, здравје и љубовен живот...слободно пишете ни на
Оваа е-пошта е заштитена од spambots, треба да вклучите JavaScript за да ја видите
ПРАШАЊЕ ОД СНЕЖЕ:
Колку и да се трудам да ги исправам, шишките секогаш ми се заоблени како „тулумба"! Каде грешам?
ОДГОВОР:
Доколку сакате шишките да бидат прави, заборавете на големите и густи четки, тие се за фенирање и постигнување волумен. Протресете ги шишките со прсти додека се водени. Земете еден прамен, истегнете го и држете го со прстите. Со другата рака фатете го фенот и дувајте го праменот од коренот кон врвовите. Повторете ја постапката прамен по прамен. Шишките ќе се исправат подобро отколку со пегла за коса.
ПРАШАЊЕ ОД МАРИЈА:
Никогаш не сум имала проблем со врвовите, но во последно време прамените до лицето почнаа да стануваат суви, се осветлија и врвовите почнаа да пукаат.
ОДГОВОР: постојат две објаснувања за ваквиот проблем, или често ја бојосувате косата или секој ден ја пеглате. Време е да почнете да користите серум за врвови, а секогаш можете проблемот да го решите на природна база. Во регенераторот, што вообичаено го користите, истурете малку маслиново масло. Оставете го да дејствува на косата минимум 5 минути.
ПРАШАЊЕ ОД ВИКИ:
Како може да ја спасиме косата кога ќе не фати дожд, а немаме време да ја премиеме?
ОДГОВОР: денес дождовите се премногу нечисти, а со тоа станаа штетни за косата. Наместо да ја преправате цела фризура, со хартиена крпа (и салфета ако имате) соберете ги капките дожд од темето. Почекајте потполно да се исуши, во коренот ставете малку пудра за тело и исчешлајте се. Финиширајте со спреј за сјај.
ПРАШАЊЕ ОД МИЛЕНА:
Косата никогаш не ми била поубава. Сјајот и се врати, а расцветени врвови скоро и да немам. Најголем виновник за тоа се витамините што почнав да ги пијам, но дали тоа значи дека ќе почнам да се дебелеам?
ОДГОВОР: идеалната рамнотежа на витамини и минерали ќе резултира со здрава коса, сјајна кожа и цврсти нокти. Многу девојки забележуваат намалена кршливост на ноктите и зајакнување на косата откако почнале да пијат витамини, особено калциум и цинк. Подобрувањето на косата и на општата состојба на организмот не значи дека вие ќе почнете да јадете неконтролирано.
ПРАШАЊЕ ОД СТЕФАНИЈА:
Зошто едната страна од косата, без разлика дали е права или виткана, секогаш изгледа подобро од другата?
ОДГОВОР: за ова прашање не е потребен стручен одговор. Се зависи од техниката и способноста која ја поседувате за средување на косата. Девојките што имаат пракса да се пеглаат или да се виткаат знаат како да ги постават рацете за да го средат или да не го уништат праменот.
ПРАШАЊЕ ОД КРИСТИНА:
Некои велат дека доволно е само еднаш да се измие косата со шампонот во текот на капењето, други велат спротивно. Како да знаеме што е правилно?
ОДГОВОР: доколку косата е навистина нечиста, тогаш ќе мора два пати да се измие со шампон. Првиот пат нанесете повеќе од шампонот, тој нема ниту да се пени, а вториот пат доволно е само една капка. На второто миење во неделата сосема доволно е еднаш да нанесете, во спротивно ќе ја исушите косата и коренот. Сепак и шампонот е хемикалија на која треба да гледате со резерва.
