Шампоните на природна база се поскапи, но исплатливи до последното денарче
Ја продолжуваме мисијата од пред некој ден, а тоа е да дојдеме до одговорите што ќе ги решат проблемите со вашата коса. Понекогаш и едноставниот совет што ќе ви го каже вашата баба може да излезе корисен за вашата коса. Едно е сигурно, нивните трикови ниту едно време не може да ги избрише.
Сепак решивме работите да не ги оставаме на случајноста. Собравме доволно информации за да можете да се потпрете на нас. Овој пат нашето внимание го добија оние што всушност и го побараа:
ПРАШАЊЕ ОД АНЕТА СТАНКОВСКА:
Имам долга коса, редовно ја потстрижувам и користам соодветни препарати бидејќи често ја пеглам, но во последно време почнаа да ми се појавуваат задебелени груби влакна и тоа од коренот до врвовите. На кој начин можам да се справам со овие влакна бидејќи на допир се многу груби и не изгледаат убаво, а почнаа се повеќе и повеќе да се појавуваат.
ОДГОВОР: ваквите специфични влакна се среќаваат и во најздравата коса, работата е тоа што навистина се непријатни на допир. Причината за нивното зачестено појавување се секако хормоните, но и премногу агресивната козметика. Разбирливо е дека не сакате да ги оставите врвовите без серум, особено после пеглањето, но и на косата и треба одмор од сите тие козметички препарати. Тврдата вода е уште една причина за огрубување на влакното, пробајте да ја плакнете косата со превриена вода ако не можете да си го дозволите луксузот да ја плакнете со дестилирана.
ПРОБАЈТЕ СО:
Кокосово масло - го има во поголемите парфимерии, тоа го омекнува и измазнува влакното и скалпот.
Во Авон имате евтино врело кокосово масло што ќе ви послужи за 2 третмани.
ПРАШАЊЕ ОД НАТАЛИ СТЕФАНОВСКА И ПЕПИЦА КАРАДАКОВА:
Не знам зошто, но во последно време многу ми се мрси косата. Секој ден морам да ја мијам бидејќи кога ќе станам од спиење косата ми е мрсна. Пробав многу шампони, но ништо не помага. Ве молам помогнете ми!
ОДГОВОР: кога готовите производи не се во состојба да ви помогнат, тогаш време е да тропнете на вратата на природата. Имате две опции, да пробате да направите лек во вашата кујна, или да купите поскап шапон на природна база што за среќа денес лесно се наоѓа.
Прва опција: измешајте една супена лажица алое вера гел со едно кафено лажиче цеден лимон. Ваквиот состав ставете го во шампонот и нормално употребувајте го. Масирањето на скалпот има ефект како пилингот на лицето. Ќе се ослободите од слојот мртви клетки и вишокот мрснотии. Измешајте една лажичка пивски квасец во чаша вода и додајте многу малку сол. Ставете две супени лажици на скалпот и нежно масирајте со прстите. Оставете смесата да делува барем еден час. Масажата практикувајте ја два пати неделно.
Втора опција: готови шампони на 100% природна база.
ПРОБАЈТЕ СО:
Шампон за масна коса од жолта роза и лимон - Dr. Hauschka (го има во аптеките)
Шампон од лаванда за секојдневна употреба креиран за коса што лесно се мрси под надворешно влијание - L'Occtane (Ramstore, приземје)
Шампонот I love Juicy - Lush (во сите трговски центри)
ПРАШАЊЕ ОД МАРТИНА НЕДЕЛКОВСКА: имам долга коса, порано ми беше бујна меѓутоа со текот на времето почна да ми опаѓа. Ми рекоа дека би можело да е од регенераторот (користам Gliis регенератор од Schwarzkoph за сјајна коса). Би сакала да ми препорачате маска или регенератор на природна база што ќе ми помогне да ја вратам бујната коса што ја имав.
ОДГОВОР: постојат неколку козметички фирми што нудат палета на исклучиво природни производи. Таму ќе најдете 100 % природни масла, шампони и маски за секаков тип на коса, а особено за решавање на проблемот со опаѓање на косата.
ПРОБАЈТЕ СО:
Dr. Hauschka - ги има во сите аптеки, вие побарајте го Лосионот за коса од неем - виталност и зацврстување на влакното со помош на лековитото дејство на реткото индиско растение неем.
L'Occtane - Ramstore приземје, побарајте го шампонот и регенераторот за згуснување.
Lush - сигурно ви звучи познато, нивните продавници ги има во секој трговски, побарајте го шампонот во цврста состојба за згуснување на косата познат како New Hair.
Освен козметиката обрнете внимание и на исхраната, хранете се здраво, особено зголемете го железото.
