Badgley Mischka
На ревијата на Badgley Mischka во Њујорк, моделите вклучувајќи ја и Tanya Dziehileva, имаа високо кренати коси. Страничните прамени се цврсто затегнати, додека задниот дел од косата е замотан неодредено или во кок. Одлична фризура што ќе ја истекне убавината на секој дел од лицето.
Marc Jacobs
Косите на девојките на Marc Jacobs, беа несредени. Моделите изгледаа како штотуку да станале од кревет. Станува збор за таканаречениот Lazy look, што освен со карактеристичните фризури се одликува и со развлечени маици и широки фармерки.
Vera Wang
Додека повеќето одеа на футуризам, стилистите за ревијата на Vera Wang, се вратија назад во времето или поточно во 60-тите. Моделите имаа волуменозни коси собрани во кок и патец на средина.
Rodarte
Овде имаме строго права коса, прицврстена до вратот со патец на страна. Шишките се прибрани, а дозволен е и додаток како на пример, цвет или голема шнола.
Michael Kors
Златните девојки на ревијата на Michael Kors, ја носеа косата собрана во разиграно, ниско опавче. Совршена, а едноставна фризура за на лето во комбинација со бронзен руж. Обрнете внимание на волуменот на предниот дел.
Tibi
Кадриците не беа нешто многу застапени на модната недела во Њујорк. Исклучок беше ревијата на Tibi, каде што моделите имаа волуменозни коси со ситни кадрици. Со ваква коса ќе изгледате навистина свежо и младо.
threeASFOUR
Како што можете да забележите пресираната коса ќе биде актуелна и во 2010. Косите на моделите изгледаа како да се ставени под тостер, но сепак изгледаа необично и симпатично.
Nanette Lepore
Сјајни, богати со волумен и благо извиткани коси, со прекршени шишки, моделите изгледаа како актерките од стариот Холивуд. Драматичниот изглед беше дополнително истакнат преку усните, на долната усна дречеше карминот со вишна боја, додека на горната весело розов.
Tommy Hilfiger
Многу е важно да успеете да ја искористите должината на косата во смисла таа да ја краси вашата појава. Дајте и го третманот што го заслужува и пуштете ја слободно да дише истакнувајќи ја со благи кадрици. Патецот нека биде на страна, а шишките соберете ги со симпатична шнола.
Oscar de la Renta
Ваквата фризура милуваме да ја кажеме старинска бидејќи навистина ќе ви додаде година плус. Но таа е крајно елегантна и софистицирана што добро ќе ви дојде за свечените моменти или коктел забавите кога сакате да оставите сериозен впечаток.
