.gif)
Oпавчето на страна преку вашето рамо ви дава понежен, поженствен и помалку спортски изглед.
Топлото време самото ни го наметнува трендот за оваа пролет. Ако имате долга коса ќе имате на располагање многубројни комбинации за да изгледате средено за кратко време. Опавчето може да биде доволно елегантно за на црвениот тепих, но и доволно спортско за вежбање пилтес. Кој е вашиот избор? Високо или ниско врзано опавче? Со интересно ластиче или шнола во вид на машна за кусо време можете да добиете убава фризура.
Високо опавче
Има 2 начина како да го направите:
Првиот, кој можеби и вие самите одамна го применувате, е ставање на косата која паѓа од опавчето на страна преку вашето рамо. Косата преку рамото ви дава понежен, поженствен и помалку спортски изглед на опавче за елегантни пригоди. Цврстината со која ќе ја приберете косата нагоре и ќе го стегнете опавчето ќе им даде специфичен благо накосен изглед на вашите очи, што ќе изгледа навистина слатко.
Вториот начин е високо врзано опавче од кое косата паѓа одзади на грбот. Изгледа поспортски од првото и колку е подолга косата толку е поефектно. Ова може да се надополни со прибирање на шишките, благо подигнати и зацврстени со шнола. Топлото време се наближува, па ова е одличен избор за пролетна фризура.
Ниско опавче
И ниското опавче можете да го оставите да паѓа одзади или пак на страна.
Ниското опавче на страна е одличен трик да ги прекриете своите уши доколку не сакате да ви се гледаат. Ако ставите долги обетки кои ќе наѕираат од под косата ќе добиете елегантен и нежен изглед. Опавчето врзете го лабаво. Косата може да ви биде на краевите виткана или права, а на вас останува и изборот да бидете со или без шишки. Оваа фризура може да ја користите за елегантни, но и за секојдневни пригоди. Таа е вистински тренд за оваа сезона.
Вториот начин кога ниското опавче е пуштено слободно одзади е многу поедноставна варијанта која можете да ја искористите кога сакате вашите обетки и лице да бидат во прв план.
-
Таа е новата русокоса икона на Холивуд со сјај на слонова коска во косата и тонови на кајсија и мед. ... -
Blair Waldorf во Gossip Girl ги направи познати лентите за коса и кадриците. ... -
Фенирањето дома ви е измачувачка мисија? Еве 14 совети како да бидете успешна во тоа. ...
.gif)
