.gif)
Изберете креативен стил на стилизирање кој не бара многу време и не подразбира високи температури на фенот и пресата.
Ја добивте долго посакуваната нијанса на вашата коса, но сега секојдневно се соочувате со изгорените врвови, опаѓањето и целосно оштетената коса.
На бојадисаната коса не и се доволни само шампонот и регенераторот за да изгледа здраво.
Дополнителни фактори кои ја слабеат косата се секојдневните изложувања на сонце и честата стилизација со жешкиот воздух од фенот, или уште пострашно исправувањето на косата директно на плочките со повеќе од 180 степени.
Со правилна нега, овозможете и ја потребната влага на косата!
Правилна употреба на производите за коса
Регенераторот не е доволен за екстремно оштетена или бојадисана коса. Стилистите препорачуваат да користите масло кое ќе го нанесете на косата пред миење и да го оставите најмалку 20 минути. Најдобри се бадемовото и кокосовото масло.
По миењето со шампон, нанесете маска за бојадисана или за оштетена коса. Запазете го минималното време од 15 минути за да и овозможите на маската да навлезе во внатрешноста на влакното,обновувајќи ја и зацврстувајќи кохезијата меѓу кутикулата и кортексот. За забрзување на оваа реакција замотајте ја косата во крпа или памучна капа натопена во топла вода или едноставно избегнувајте ладен воздух.
Стилизирање
Изберете креативен стил на стилизирање кој не бара многу време и не подразбира високи температури на фенот и пресата, што претставува дополнителен стрес за бојадисаната коса.
На пазарот денес постојат голем број на инстант средства за регенерација на косата, но притоа внимавајте да не претерате во количините за да не ја иритирате кожата на главата. Не заборавајте на задолжителната употреба на силиконски капки за врвовите на бојадисаната коса.
Правилно и редовно чешлање
Доколку почесто ја чешлате косата ќе го избегнете проблемот со заплеткувањето на косата и наредното болно чешлање. Изберете четки за обликување со природни влакна и чешели за расчешлување со широки запци.
Инвестирајте во квалитетни производи и време за нега за да го постигнете ефектот на здрава и блескава коса.
-
Таа е новата русокоса икона на Холивуд со сјај на слонова коска во косата и тонови на кајсија и мед. ... -
Blair Waldorf во Gossip Girl ги направи познати лентите за коса и кадриците. ... -
Фенирањето дома ви е измачувачка мисија? Еве 14 совети како да бидете успешна во тоа. ...
.gif)
