.gif)
Волуменот и сјајот на вашата коса се важни предуслови за совршена новогодишна фризура.
Во намерата да блеснете во сиот свој сјај за новогодишната ноќ изборот на идеална фризура е повеќе од пресуден.
Погледнете ги 5-те предлози за новогодишни фризури кои ќе ве направат вистинска дама на гламурот и елеганцијата!
Француска школка
Natalie Portman
Оваа фризура е одлично дополнување на вашата појава со елегантен фустан. Сите љубителки на француската елеганција и класичната убавина може да се одлучат за фризура соберена во вертикална пунџа на задниот дел.
Косата соберете ја со опавче кое ќе го замотате во вертикална пунџа и ќе ја зацврстите со помош на невидливи шноли. Долгите шишки фенирајте ги настрана и оставете слободно да паѓаат околу лицето.
Коњски опаш од 60-ите
Reese Witherspoon
Оваа празнична ноќ блеснете со коњски опаш во ретро стил кој совршено ќе ја истакне убавината на вашето лице и накитот на ушите и вратот.
Исфенираната коса соберете ја во висок опаш притоа користете прозрачен ластик или шноли во иста боја како вашата коса за да се добие ефект дека се невидливи. Со восок за коса измазнете го предниот дел. Задниот дел од косата раскошно распоредете го, а врвовите дефинирајте ги со восок или серум за коса. Фризурата зацврстете ја со лак за коса.
Раскошни локни
Demi Lovato
Локните се вистински хит за посебните ноќи и дозволуваат да експериментирате со фризурата на повеќе начини. Крупните локни одлично изгледаат на коса нијансирана во тонови на кафена.
На измиена коса нанесете пена за обликување, а потоа исушете ја косата со фен. Поделете ја косата на неколку делови, а потоа секој прамен извиткајте го тенка керамичка пегла за коса или локните обликувајте ги со тенка четка и фен. За природен изглед по обликувањето на локните поминете низ целата коса со прстите. Не заборавајте на лакот за коса.
Коњски опаш на страна
Beyonse
Истакнете ја женственоста со раскошен коњски опаш на страна кој е вистински избор да блеснете на деловната вечера, но и на новогодишната ноќ.
За ваквата фризура неопходно е претходно да се погрижите за максимален волумен. Откако ќе ја исфенирате косата соберете ја во опаш на страна, а потоа со еден прамен обвиткајте го ластичето да не се гледа. На шишките дајте им благо брановиден облик.
Гламурозни плетенки
Blake Lively
Сакате да бидете забележани со поинаква интерпретација на вашата коса? Тогаш одлучете се за неколку гламурозни плетенки соберени на едната страна и додадете некој луксузен украс.
Погрижете се за волуменот кај корените и префрлете ја косата на едната страна. Потоа направете неколку плетенки со различна дебелина и оставете ги слободно да паѓаат Останатите прамени извиткајте ги во опуштени локни. Одлучете се за блескав додаток на вашата коса кој ќе до долови празничниот гламур.
Погледнете го изборот на аксесоари за коса кои можете да ги искористите за вашата новогодишна фризура!
-
Таа е новата русокоса икона на Холивуд со сјај на слонова коска во косата и тонови на кајсија и мед. ... -
Blair Waldorf во Gossip Girl ги направи познати лентите за коса и кадриците. ... -
Фенирањето дома ви е измачувачка мисија? Еве 14 совети како да бидете успешна во тоа. ...
.gif)
