.gif)
Доколку сами си ја обликувате косата со пегла пред се водете сметка за средствата кои ги нанесувате пред самото пеглање.
Договорени сте во 22 часот да се чекате за излегување, а дури во 20 решавате да станете од топлото крвеветче и да ја измиете косата.
Првата фатална грешка е што се бањате само 2 часа пред излегување и на вашиот организам му приредувате температурен шок кога излегувате тазе бањати на минус 5 степени.
Втората е што не си давате доволно време за припремaње, па така набрзина ја миете косата, ја сушите со фен на најсилно, се уште влажна ја пеглате, прскате лак и кој е резултатот? Сува коса и оштетени врвови!
Време е да се откажете од овие 6 лоши навики:
ГРЕШКА 1: Ја миете косата секој ден!
Свежо измиената коса која убаво мириса е потребен детаљ за секоја комбинација, но секојдневното миење на косата не е препорачливо. Тоа ги отстранува природните масла кои го штитат темето и влакното.
Користењето шампон и регенератор за нега на коса сведете го максимум на секои 2 до 3 дена, што е сосема доволно за одржување на чистотата и посакуваната фризура.
NotForMen препорака: 6 грешки при миењето на косата
ГРЕШКА 2: Ја сушите косата со фен на најсилно!
Ако сакате вашата коса да биде сјајна и здрава тогаш не ја изложувајте на високи температури бидејќи тие ја сушат.
Користете го првиот и вториот степен за сушење, односно студената и средната температура со кои сушењето ќе трае малку подолго, но бројот на испукани врвови ќе биде значително помал. И особено бидете внимателни со пеглата за коса и фигарото!
ГРЕШКА 3: Ја обликувате фризурата додека косата ви е уште мокра!
Фризурата не може да се обликува додека косата ви е уште мокра бидејќи така само непотребно ќе трошите енергија и нерви и ќе ја зголемите можноста за пукање на влакното.
Со обликување на фризурата започнете кога таа ќе биде влажна само под прстите.
ГРЕШКА 4: Комбинирате лак за коса и топла пегла!
Доколку сами си ја обликувате косата со пегла пред се водете сметка за средствата кои ги нанесувате пред самото пеглање. Секако избегнувајте го лакот за коса и сите останати средства кои во себе содржат алкохол бидејќи го сушат влакното.
ГРЕШКА 5: Претерувате со производите за хидратација на косата!
Средствата за хидратација на косата несомнено имаат позитивен ефект на структурата на влакното. Но доколку претерувате со нив косата ќе изгледа безживотно.
Нанесувајте ги само на врвовите, односно на долната половина од должината на косата.
ГРЕШКА 6: Ја фарбате целата коса!
Ако сакате да ја освежите веќе постоечката боја за коса нема потреба да ја фарбате цела коса. Исфарбајте го само коренот и така избегнете дополнително сушење кое највеќе се познава на сувите и исушени врвови.
-
Таа е новата русокоса икона на Холивуд со сјај на слонова коска во косата и тонови на кајсија и мед. ... -
Blair Waldorf во Gossip Girl ги направи познати лентите за коса и кадриците. ... -
Фенирањето дома ви е измачувачка мисија? Еве 14 совети како да бидете успешна во тоа. ...
.gif)
