.gif)
Да ги одржите ноктите долги навистина е предизвик. Долги и убави нокти се класика и изгледаат секси. Мажите сакаат кога нивната девојка, покрај шминката и косата внимава и на детали како ноктите. Сега останува прашањето како да успеете да имате долги и здрави нокти.
Ако зборуваме за должината, тогаш нема што многу да се филозофира, сé зависи од личниот вкус. Експертите по маникир советуваат дека идеална должина на ноктите е не повеќе од една третина од големината на телото на нокотот. Доколку сите нокти ви се скратени во иста должина и се со ист облик, тогаш има помала веројатност да се скршат.
Не користете ги ноктите како алатка за работа. Кога отворате нешто или кога треба да свртите некој број на мобилниот, правете го тоа со прсти. Избегнувајте да се служите со нив бидејќи може да се скршат и од мал притисок.
Средствата за чистење, сјајот за садови, детергентот... содржат хемикалии кои ги нагризуваат ноктите. Тие омекнуваат, почнуваат да се двојат и лесно се кршат. За да ги заштитите, при користењето на средствата ставајте ракавици.
Во никој случај не може да имате долги нокти ако постојано ви се во уста. Самата плунка е премногу силна за составот на нокотот, иако можеби не изгледа така. Од устата се пренесуваат и низа бактерии, при што ноктите може да заболат и да станат меки и кршливи. Со забите поттикнувате листење на ноктите.
Постојат спротивни совети за тоа како треба да се негуваат кутикулите. Едните препораки се дека треба да се сечат, другите дека не треба. Кутикулите се заштитна бариера од бактерии, затоа ние велиме да не ги сечете. Тоа не значи дека треба да заборавите на нив. Доколку премногу пораснат и почнат да ја заземаат целата површина на нокотот, турнете ги. Држете ги рацете во топла вода за да омекнат и со дрвено стапче нежно туркајте ги.
Освен редовното скратување и полирање на ноктите, добро би било да избегнувате и ацетон. Ако не можете да чекате лакот сам од себе да падне, употребувајте ацетон на база на масло. Парите што ги заштедивте од ацетонот, искористете ги за купување серум за зацврстување и поттикнување на растот на ноктите.
Ако сте на диета или имате недостиг од витамини, пред сé калциум, ќе имате проблем со постигнувањето должина. Недостатоците на витамини и минерали и тоа како се одразуваат на цврстината на ноктите и способноста да останат долги подолг период.
Имајте навика кога ставате од кремот на рацете да не ги прескокнувате ноктите. Масирајте ги за кремот убаво да се впие во кутикулите. На тој начин се хранат ноктите и се обезбедува нивна хидратација.
Ако практикувате да ги лакирате ноктите во боја, чекањето да пораснат ќе ви помине брзо. На тој начин ноктите се покриени и не паѓа в очи толку нивната должина. Од друга страна, многу полесно се забележуваат недостатоци што ќе сакате да ги средите, а со тоа истовремено постојано ќе ги негувате.
-
Полскиот модел Magdalena Frackowiak ја долови младешката безгрижност на колекцијата. ... -
Некои дури ја нарекуваат и вистинската Blair Waldorf, а веќе е голема модна икона на Холивуд.... -
Геометриски принтови, патенти, фустанчиња со А-крој, шорцеви и што уште не! ...
.gif)
