NotForMen

Пудрата е најбезбедна за споделување со пријателките!

Сигурно ви се случило пријателката да ви побара пудра, креон или маскара. Дали без размислување и ја позајмивте козметиката или ви беше малку непријатно да споделувате креон што секој ден го нанесувате на очи?

Делењето мејкап со друг, отсекогаш била деликатна тема за која нема конкретни правила за тоа како да се однесуваме. Од една страна не сакате да испаднете скржава, особено во ситуациите кога веќе сте во такси за накај кафулето, а пријателката заборавила да си стави маскара, но...не ви е сеедно да делите шминки што ги ставате на очи. Причината за грижа е оправдана, но не се однесува на сите производи.

ШМИНКА ШТО НЕ СМЕЕТЕ ДА ЈА ДЕЛИТЕ!!!

Маскара - со неа се пренесува конјуктивитис.

Сјај за усни и кармин - преку четката се пренесува херпес.

Четки и сунѓерчиња за нанесување пудра - преку нив се пренесуваат кожните инфекции.

Ролон дезодорансите - преку нив се пренесуваат разни габички што живеат под пазувите.

ЗАПОМНЕТЕ!!!
Не создавајте навика да позајмувате шминки од пријателките, она без кое не можете носете го во несесер.

Објаснете и на пријателката дека не се сомневате дека води хигиена, но кожата не е стерилен орган, а бактериите се пренесуваат побрзо отколку што мислите. Ако сепак се одлучите некому да позајмите сјај, не заборавајте четката од сјајот да ја избришете со хартиено шамиче; четките и сунѓерчињата за пудра можете да ги исперете со вода; ролонот избришете го со шамиче; маскарата подарете и ја.

ШМИНКА ШТО СМЕЕТЕ ДА ЈА ДЕЛИТЕ!!!

Шминка што може да ја позајмувате е руменилото (се додека го нанесува со сопствена четка), моливче за очи, сенка и пудра. Овие производи имаат густа структура и лесно можете да го отстраните првиот слој. Кај ружот и сенките тоа сторете го со шамиче, а моливчињата задолжително наострете ги.