Jean Paul Gaultier на модната недела во Париз
На модната недела во Париз, францускиот дизајнер Jean Paul Gaultier се претстави со својата невообичаена колекција за пролет/лето 2010. Инспирацијата за колекцијата потекнува од Ацтеките и актуелниот филмски блокбастер на режисерот James Cameron, Аватар.
Гигантски сомбрера, кожени модни додатоци, груби каубојски чизми...сето тоа надополнето со маријачи - музика направи од неговата ревија вистинска Мексиканска фиеста во градот на високата мода, Париз.
Дрвениот накит, палмите и пердувите во косата, плетенките, кожените заштитници на нозете, корсетите во металик боја, живите бои, џунгла-дезените...се моментите што ја доближија колекцијата до костимографијата застапена во филмот.
