NotForMen

Добрата страна на модните додатоци е тоа што ќе ги купите еднаш, но ќе ве служат подолг период. Што значи, иако се актуелни пролетните колекции, не мора да го фрлите стариот накит. Слободно експериментирајте и китете се со вкус. Во игра влегуваат големите алки и прстени, обетките може да бидат дискретни и нежни, додека ланчињата е препорачливо да бидат подолги, речиси до стомакот.

Во четвртиот број на женскиот магазин Unique, посветивме цела страна само за накит. Внатре ќе најдете интересни предлози за алки, прстени, обетки, а се сетивме да предложиме и некој женски часовник за сите оние девојки што работат со време. Но, да ве предупредиме на самиот старт, овде не зборуваме за обична бижутерија. Прикажаните модели се ексклузивни парчиња, изработени од скапоцени материјали како бисери, камења, злато, сребро...

За обичните излегувања, бижутеријата е одлична, но за посебните моменти кога навистина сакате да блеснете и да изгледате гламурозно, тогаш благородните материјали се добредојдени. Ако ништо друго еве ви одличен предлог за подарок за претстојните матурски прослави.