.gif)
Фотографиите ги изработи Дејан Пановски.
"Повеќе немате изговор дека стилот чини многу пари" е мотото на новиот бренд женска облека "Стилисимо", чија идејна креаторка, Цаци Паковска вели дека е достапен за сите.
- За да се создаде бренд потребна е огромна екипа моделари, шаблонери и техничари, со кои, јас и мојата партнерка Тања Панделеска, трпеливо работевме на првата колекција на "Стилисимо", повеќе од 6 месеци- изјави Цаци Паковска.
Парчиња облека од првата колекција "Стилисимо", есен-зима 2010/2011, ги дизајнираше Паковска, а изработени се во неколку различни македонски текстилни фабрики, но од високо квалитетни италијански ткаенини.
Колекцијата содржи и накит, кој по идеја на тандемот Паковска- Панделеска го изработи Александра Шекутковска.
-"Стилисимо" ги отсликува животните ставови на жени и девојки со силен карактер, изграден стил, самосвесни и бестрашни пред светот кога треба да ги покажат своите квалитети. Колекцијата е составена од едноставни, безвременски парчиња облека, кои секоја жена би сакала и би требало да ги има во својот гардеробер.
Овој бренд женска облека нема ограничувања и во него ќе се препознаат млади девојки, но и посериозни деловни жени, жени со манекенска фигура, но и оние горди на своите облини-вели Паковска.
Маја Сашек со црвено бојадисана коса за првата колекција на Stlissimo.
Заштитно лице на првата колекција на "Стилисимо", есен-зима 2010/2011, е Маја Сашек, македонска манекенка и фото-модел со долгогодишно искуство низ светот на модата во Италија. Со специјално за оваа прилика, бојадисана црвена коса, таа ја прикажува егзотичната, свежа и софистицирана страна на брендот "Стилисимо".
Продавницата во која може да се најде облеката под брендот "Стилисимо" се наоѓа во ГТЦ, на приземје.
-
Од силни бои до нежни пастелни, од ултра женствени до спортски комбинации од брендот MAX & Co. ... -
Со актуелните трендови бегството од реалноста е полесно од било кога! ... -
Единственото пожешко од она што Rosie го носи на модната писта е она што го носи надвор од неа. ...
.gif)
