.gif)
Девојката која трчкаше низ паркот со стартки и лежерно фустанче е и посреќна и посамоуверена и поубава.
Кога љубовта кон модата премина во болна опсесија? Пратењето на модните трендови по секој цена како епидемија ја нападна нашата ни мала Македонија. Дали тоа е напредок на свеста на жените или само уште еден доказ за нивната искомлексираност?
Германките со 10 пати поголеми примања уживаат во природноста на својот изглед, лежерните апостолки и куси шорцеви, а кај нас секоја државна 15-ка или приватна 23-ка се претвори во модна писта.
Очајни за внимание
Оскудните плати безмилосно се фрлаат на скапи потпетици, со кои нозете при ненадејното кочење на автобусот ви ги демне ризик, на луксузни фустани и здолништа кои по завршувањето на ова патешествие се како после центрифуга, а се што ќе добиете е залутан поглед на некој поспан господин, кој единствено што му го привлекло погледот е јаката боја на вашиот фустан.
Убави и самоуверени
Дали задоволство е да се искривуваат вратови по вас кога поминувате поради блесокот на вашите преголеми обетки или пак поради вашите екстремно долги нозе, бујни гради, прекрасна насмевка или било кој друг дар од природата?
Најубав подарок е да застанете голи и боси пред огледало и да уживате во она што го гледате, да си кажете – Да, јас сум убава, згодна, сексапилна млада дама, а не да потрошите 2 часа на ставање на вашата маска, половина килограм пудра, илјада и еден цвет во вашата коса, десетици марами околу вашиот врат, екстремно високи потпетици, скапи чанти.
Епидемија на површност
Македонскиот менталитет да се докаже престиж, успешност или привлечност преку облеката зема екстремни размери, а девојките се почесто страдаат од „депресија“, бидејќи пред очи им го земале последното бројче од фустанот од нивниот омилен бренд, а не поради десетиците деца загинати во трагична авионска несреќа во Русија или престрелката во училиште во Норвешка или пак за гладниот сосед, кој едвај сврзува крај со крај да им обезбеди парче леб на неговите 2 дечиња.
Кога станавме толку површни?
Кога стана шопингот центар на светот?
И неретко ќе наидете на женско друштво каде 80 проценти од времето се говори за шопинг или за најновата маскара или за „убиствено“ добрите чевли на платформа.
Се давите во досада како девојките наместо да работат на својата самодоверба, да научат да се сакаат со малиот вишок килограми, малите гради или големиот задник или пак наместо да работат на тоа со макотрпно вежбање, тие бесцелно го губат времето на говори за најновите диети, кои и сами се свесни дека максимумот што ќе ги применуваат се едвај 2 седмици. Купуваат скапи широки фустани за да ги затскријат недостатоците и луксузен накит за да ги одвлечат погледите од таму.
Но ова е начин само на лажење на самите себе, токму тие девојки кога ќе ја симнат маската дома се повторно несреќни и незадоволни, а девојката која трчкаше низ паркот со стартки и лежерно фустанче е и посреќна и посамоуверена и поубава и помагнетски привлечна за спротивниот пол.
Да се биде среќен во сопствената кожа, не е најнов моден тренд, тоа е модна класика!!!
-
Од силни бои до нежни пастелни, од ултра женствени до спортски комбинации од брендот MAX & Co. ... -
Со актуелните трендови бегството од реалноста е полесно од било кога! ... -
Единственото пожешко од она што Rosie го носи на модната писта е она што го носи надвор од неа. ...
.gif)
