.gif)
Шарените плетени чанти се повторно во мода.
Вие сте модерна жена и тоа подразбира дека добар дел од вашите финансии и време ги трошите на модерни парчиња облека. Во вашиот плакар можете да најдете парталчиња од најразлични стилови, но сепак ќе се согласите дека оние од последната мода се најдоминантни.
Им се восхитувате на модните икони од соседството
Сакале или не, ќе мора да признаете дека потајно и завидувате на пријателката која неодамна се врати од одморот од Италија и сега успешно комбинира 3 или повеќе бои и впечатлив накит и никој неможе да одолее на нејзиното чувство за мода. Можеби била инспирирана од тамошната мода, но како и да е, нејзиното мешање на стилови ви се чини слатко, а притоа нема допирни точки со последниот тренд во градот.
Светските метрополи ги диктираат трендовите на препознатлив стил и смели креации. Колку нашата модна средина е исклучок од овој моден диктат?
Секоја чест за девојките кои се дрзнуваат да излезат од колосекот на последната мода која диктира униформност. Најверојатно и вие потајно посакувате да ја имате таа храброст за да ве препознаваат како лидери на афирмацијата за оригинална мода.
Стоп за модниот диктат
Смачено ви се ситуациите кога сте посветиле толку многу време за изгледот, а сепак во локалот во кој сте излезени има уште најмалку 2 девојки со слични фустани, фармерки или било што.
Изгубени во својот стил
Спремајќи се за излегување поминувате повеќе од еден час пред огледало или збунето гледајќи во плакарот за кој мислите дека е преполн кога е за средување, а најпразен кога ви треба нешто да облечете.
Дефинитивно сте изгубени во својот стил. Најлесното и најкреативното решение на овој проблем е експериментирањето.
Еве 4 идеи што ќе ве изненадат со сопствениот одраз во огледалото:
-Старата кошула во комбинација со нов впечатлив ѓердан.
Доколку сами си го направите ѓерданот или било што од накитот, ќе бидете сигурни дека ниту една девојка во градот нема да има ист таков.
-Интересни дезени и минималистички крој.
Цветови , линии, геометриски фигури, слики, но под услов кројот да биде едноставен за да не изгледате нападно.
-Облека во пастелни бои комбинирани со детали во јака боја.
Рачен часовник, чанта, ремен, брош, шнола и други детали во впечатлива боја ќе ве направат препознатливи од далеку. Шарените плетени чанти се повторно во мода.
-Извезена облека, летни чизми, асиметрична форма на облеката можат да бидат вашите идеи за еден поинаков стил.
Експериментирањето подразбира обид да се пронајде стилот со кој ќе оставате личен печат на облеката што ја носите и веруваме дека оваа инвестиција нема да ве чини повеќе од неколку неуспешни комбинации кои најдобро ќе биде да ги заборавите.
Не заборавајте дека само под услов секоја комбинација да ја креирате со самоуверена насмевка ќе можете да го избегнете тренд– колосекот. Бидете смела девојка со смел изглед!
-
Од силни бои до нежни пастелни, од ултра женствени до спортски комбинации од брендот MAX & Co. ... -
Со актуелните трендови бегството од реалноста е полесно од било кога! ... -
Единственото пожешко од она што Rosie го носи на модната писта е она што го носи надвор од неа. ...
.gif)
