.gif)
Gucci препорачува дека за вашиот гламурозен изглед ќе ви биде доволен само крзнен шал.
Aпсолутно сите, од студентките до модните експерти ги очекуваат новите трендови од колекцијата за следната сезона.
Со што ќе не изненади модната индустрија овој пат, дознаваме од модните недели во Милано, Париз и Лондон.
Доколку сакате да изгледате модерно и атрактивно и следната сезона, погледнете ги препораките од модните дизајнери кои ќе ви бидат добредојдени за да знаете во која насока треба да ги избирате парчињата облека.
Машки стил
По се изгледа дека машкиот стил ризикува да земе голем замав во женските плакари. Тоа го потврди и колекцијата за наредните есен – зима на Dolce and Gabbana. Во умешните раце на дизајнерите, машкиот смокинг добива нова поинаква интерпретација бидејќи е дополнета со доза на женственост.
Не само пантолоните се сметаат за машка гардероба. За следната сезона, во вашиот машки стил вклучете го и комбинизонот кој може да го комбинирате со бела кошула.
За надополнување на машкиот стил , Gucci препорачува широки панталони во комбинација со долго палто со тенок појас. Женственоста нагласете ја со впечатлив аксесоар, на пример брош на палтото.
Геометриски фигури
Се излажавте доколку помисливте дека геометриските фигури веќе беа доволно доминантни. Дизајнерите ги вклучија и во следната сезона, а особено модерни ќе бидат цик-цак линиите, правилните триаголници и кругови. Значи, задолжително набавете си парче со геометриски дизајн. Добра идеја се коцките, баклавите и карираниот дизајн кои се сметаат за универзален моден погодок.
Крзно во боја
Зимскиот период ќе ве натера да размислите за топло крзно. Изберете го во нежно розово или сино зелена боја. Gucci препорачува дека за вашиот гламурозен изглед ќе ви биде доволен само крзнен шал, додека пак, Emporio Armani на своите ревии го истакна класичното црно крзно.
Кожа
Кожата веќе трета сезона по ред, никако да ги напушти модните писти.
Кратки кожени пантолони со високи чизми и кожено здолниште до колена ќе ви овозможат удобност и ултра модерност за есенските прошетки.
Долга наметка
Изберете долга наметка од лесен материјал, со или без ракави. Можете да се одлучите за модел на долго машко палто. Должината до глуждовите е задолжителна.
Акцент на рамената
Нагласете ги рамената со подигнати и обемни ракави, без разлика дали се работи за палто или фустан.
За следната сезона се предвидуваат јаки бои што не е карактеристично за есенските или зимските колекции. Директно од модните писти, и кај нас ќе пристигнат нијансите на црвено, розово, зелено и сино. Улицата нека биде вашата модна писта здефилирање токму со овие трендови, а вие бидете девојка со вкус за мода!
-
Од силни бои до нежни пастелни, од ултра женствени до спортски комбинации од брендот MAX & Co. ... -
Со актуелните трендови бегството од реалноста е полесно од било кога! ... -
Единственото пожешко од она што Rosie го носи на модната писта е она што го носи надвор од неа. ...
.gif)
