NotForMen

При изборот на кожено палто одлучете се авијатичарски модел, минималистички крој и меко овчо крзно како додаток.

Студената есен е одличен повод да го направите изборот на палто, капут или елек за претстојнава сезона кои ќе ве стоплат и истовремено ќе бидат потврда на вашиот вкус за стил.

За дневните прошетки можете да изберете кратко кожено палто со крзно на вратот, но доколку сонцето не е баш примамливо одлучете се за капут со вештачко крзно на јаката и ракавите кое е особено актуелно сезонава.

Модните правила за оваа есен/зима 2010-11 креирани од светските дизајнерски имиња ги диктираат следниве модели!

Кожено палто

Ниту една меѓусезона не поминува без кожено палто. За разлика од црното палто со едноставен модел кое беше класичен моден погодок неколку сезони наназад, за оваа сезона се препорачува да го смените изборот на боја и да се одлучите за оптимистичките бои како на пример темно жолтата, маслинесто зелената, кафено-портокаловата или крем бојата, кои не само што ќе ве одвојат од толпата, туку гарантираат и чувство на комфорт.

За ултра модерен младешки изглед одлучете се авијатичарски модел, минималистички крој и меко овчо крзно како додаток на вратот.

NotForMen препорака:Топ 5 есенски трендови

Елек од крзно

За поклоничките на шик модата, крзнениот елек е вистинско дополнување за секоја есенска комбинација. Особено е практичен и дизајнерите го сметаат за парче кое најидеално се трансформира. Одлично се вклопува со кажуал варијанти, но и како дополнување на вечерните елегантни комбинации.

Одлучете се за елек од меко крзно во неутрална боја и носете го со ремен или кожена лента на половината.

Долг капут

Капутот со вештачко крзно на вратот и ракавите е вистински хит за престојнава зима. Ваквиот модел е вистинска гаранција за вашиот имиџ на елегантна дама, а доколку сакате да бидете дел од урбаната мода одлучете се за капут во војнички стил што подразбира стог крој во темно зелена, сива или црна боја.

Исто така, нема да останете незабележани доколку се одлучите за капут со едноставен минималистички крој и поинаква боја, како на пример, црвена, валкано розoва или во боја на карамела.

Освен кожено палто, оваа сезона кожата како материјал е актуелна и кога станува збор за здолништата, хеланките, па дури и блузите од мека кожа. Можете да се одлучите и за кожа со егзотични мотиви.

1 / 4

• 
  24 парчиња од најразиграната колекција за сезоната
  Од силни бои до нежни пастелни, од ултра женствени до спортски комбинации од брендот MAX & Co. ...
• 
  Реге манија и сафари стил
  Со актуелните трендови бегството од реалноста е полесно од било кога! ...
• 
  Одличниот уличен стил на Rosie Huntington-Whiteley
  Единственото пожешко од она што Rosie го носи на модната писта е она што го носи надвор од неа. ...