NotForMen

Christian Dior предлага или палто од кожа со животински принт.

Ви ги претставуваме најжешките трендови за следната година, а на вас останува дали ќе се одлучите за едноставен нежен изглед или храбра комбинација која ќе ве направи забележани дури од километар!

Смело и екстравагантно

Доволни се само две или три екстравагантни парчиња на вас за да бидете забележани по оригиналната појава.

Christian Dior предлага раскошно крзно во валкано розова или сива боја или палто од кожа со животински принт, а зимските аксесоари – елегантната  шапка или раскошниот плетен шал се вистински избор доколку сакате да бидете забележани.

Изгледот дополнете го со чевли со дебела платформа  и врзувачки на предниот дел и кожена чанта во впечатлива боја.

Розова бајка

Модните трендови за 2012 година како ултра модерна боја ја диктираат бебешко розовата. Фустаните со едноставен крој, елегантните костуми како и кошулите со асиметричен крој во нежно розова боја ќе додадат доза на нежност и романтичност на вашиот изглед.

Миксот од нежно розовата и бледо портокаловата боја е одличен начин да бидете забележани.

Темно и строго

Освен што треба да го знаете треба и да го практикувате новото модно правило дека синото е новото црно. Мастилно сината боја е одличен избор за зимските денови. Црно – сината комбинација е апсолутен хит за да го нагласите аристократскиот стил.

Виолетова фантазија

За да додадете доза на нежност на вашиот изглед одлучете се за бледо виолетова боја, а за вечерните комбинации додадете доза на драматизам со темно виолетова или бордо боја.

Фустаните со долги ракави и должина до колената и  јака во стилот на 70-ите години се одлични за вашата појава во канцеларијата.

„Најјака“ боја

За пригодите кога сакате да бидете забележани од километар одлучете се за високо октанска боја како на пример портокалова или окер жолта.

Едноставните парчиња на облека во јака боја и натаму го задржуваат местото во трендот за следната година.

• 
  24 парчиња од најразиграната колекција за сезоната
  Од силни бои до нежни пастелни, од ултра женствени до спортски комбинации од брендот MAX & Co. ...
• 
  Реге манија и сафари стил
  Со актуелните трендови бегството од реалноста е полесно од било кога! ...
• 
  Одличниот уличен стил на Rosie Huntington-Whiteley
  Единственото пожешко од она што Rosie го носи на модната писта е она што го носи надвор од неа. ...