Без разлика дали сте се напиле чаша термална вода или сте се капеле во неа, во некоја бања, чувството е неповторливо. Но од каде сега излезе нејзината честа употреба? Крема против стареење, шампон, купка...во секој состав ќе наидете на термална вода. Едно е сигурно, оваа вода изобилува со минерали што се одлични за кожата на лицето.
ВОДАТА ЕСЕНЦИЈАЛНА ЗА КОЖАТА!
Организмот не може да живее без вода, но зошто кожата има толку голема потреба од неа? Во нормални услови кожата содржи 30% вода. Токму поради тоа таа изгледа здраво и сјајно. Но ладното време, јакото сонце и премногу сувиот воздух може да го намалат процентот на 10. Тоа е критична точка, а знаците се видливи: сува кожа и видливи брчки.
ШТО ЈА ПРАВИ ТЕРМАЛНАТА ВОДА ПОСЕБНА!
МИТ: скоро сите креми содржат вода, што значи се доволни за да обезбедат хидратација.
ФАКТ: доколку не постојат супстанци што ќе ја врзат, таа вода веднаш ќе испари од кожата.
За разлика од обичната вода, термалната вода содржи многу минерални состојки и биоелементи што ја врзуваат водата. Термалната вода всушност е подземна вода што со години се таложела во земјата. На тој пат таа собрала голем број минерали и се загреала под дејство на магмата. Но само онаа вода што е потопла од 20 степени и содржи висок процент на минерални соли, може да се нарече термална.
КАКО ТЕРМАЛНАТА ВОДА ДЕЛУВА НА КОЖАТА!
Сува, проблематична, осетлива...без оглед на типот на кожата, термалната вода прави чуда за сите подеднакво. Таа е уникатен коктел од минерали и биоелементни. Да бидеме поконкретни:
- Салицилна киселина, ја затегнува кожата и ги разградува отровните материи спречувајќи воспаленија и акни.
- Цинк, спречува ослободување на хистаминот што е одговорен за црвенило и алергии на кожата.
- Калиум, го обновува колагенот и еластинот на кожата.
- Магнезиум, ги лекува оштетувањата на кожата.
- Натриум, ги врзува молекулите на водата.
Сега си велите па овие минерали и онака можам да ги земам преку исхраната. Но и тоа не е доволно. Многу од минералите делуваат во пар. На пример, натриумот ја врзува водата, а калиумот го забрзува транспортот на хранливите состојки.
