Ако имате проблем со кожата морате да се потпрете на стручен и современ пристап за лекување. Користењето на не тестирани лосиони и народни лекови може да направи поагресивна реакција.
Опис на болеста.
Акните или медицински кажано акне вулгарис, не предизвикуваат сериозни здравствени проблеми, но и тоа како влијаат на психичката состојба. Незадоволството од сопствениот изглед, како резултат на рошавата кожа, влијаат на губењето на самодовербата. Бидејќи период на соочување со овој проблем е пубертетот, дополнително ги отежнува работите. Младите тогаш и онака се осетливи, а акните може да направат тие да се затворат во себе, да не излегуваат и постојано да бидат во депресија.
Акните се појавуваат на деловите каде што погусто се распоредени лојните жлезди. Станува збор за пределот на лицето, градите и грбот. Најчесто се јавуваат кај жени особено пред менструалниот циклус. За жал оние на грбот и градите, после исчезнувањето оставаат траги.
Причина за појава на акни.
Целосно не се познати причинителите за нивната појава, но едно е сигурно дека голема улога имаат наследните фактори. Фактори кои може да се одвојат се: зголеменото лачење на лојните жлезди, дејство на машките полни хормони- андрогените врз жлездите, размножување на пропионибактериум акнес ,нормално присутни во кожата, и поттикнување на воспаленија.
Лекување.
Лекувањето е индивидуално во зависност од тежината на воспалението на кожата. Во никој случај не се вистинити исказите дека некои производи ветуваат успех за две недели. При успешно лекување, нема резултати во првите две недели. Акните се повлекуваат постепено во следните 3 месеци, потоа следи период на стагнација додека пак не се појават.
Лекувањето може да биде локално со препарати што се нанесуваат директно на кожата, како лосиони и креми. Друг начин е системското лекување со помош на таблети и лекови. Денес постојат и најсовремени методи како ласерско отстранување и хемиски пилинг.
Најефикасните лекувања носат и најголем ризик за нус појави. Затоа потребно е да се избере внимателен и стручен дерматолог.
