Маската од чај или глина е добра за затворање на порите после стискањето.
Корнењето на акните, стискање на се што ќе се најде на патот е можеби најголемиот грев што и го приредувате на кожата. Но, со оглед на тоа што 85% од жените го практикуваат тоа, очигледно дека нема спас...
Да легнете со шминка, да ги депилирате влакненцата по телото што може да се забележат само под микроскоп, да ги грицкате кутикулите...тоа се гревови што телото ќе успее да ги заборави. Во стискањето, проблемот е тоа што кожата ја памети траумата и на крај лицето завршува со дамки и флеки за кои речиси и да нема спас.
Ваквата навика тешко дека ќе можете да ја уништите, не очекуваме да се обидете, но очекуваме дека следниот пат кога ќе се најдете пред огледало, стискањето на акните ќе го направите на професионален начин.
ПРАВИЛО!!!
Не практикувајте често да ги стискате акните, правете го тоа во крајна нужда...на пример, треба да излегувате, а на челото ви никнала огромна акна или штом забележите дека на лицето се намножиле митесерите.
ПРВ ЧЕКОР - темелно исчистете го местото на кое се наоѓа акната со млеко, гел или пена за чистење лице. Маснотиите и шминката во целост мора да бидат отстранети од таа зона.
ВТОР ЧЕКОР - инфицираното подрачје ослободете го од слојот мртви клетки преку благ пилинг. На тој начин гнојот од акната полесно ќе излезе на површина.
| 85% од жените не можат да одолеат на стискање на акните по лицето |
ТРЕТ ЧЕКОР - или облечете гумени ракавици или оптегнете ја гумата со прстите со кои ќе ја стискате акната. Вака ќе спречите ноктите да се заријат во кожата, а сетете се дека под нив живеат илјадници бактерии. Освен со гумени, медицински ракавици, стискањето можете да го направите и со хартиени шамичиња.
ЧЕТВРТ ЧЕКОР - доколку можете да га парите лицето пред стискањето, тогаш гнојот ќе излезе без проблем. Парењето можете да го правите со помош на чај од камилица. Но, ако немате услови за парење, тогаш пред стискањето оптегнете го лицето со двете раце за да се подготви за траумата.
ПЕТТИ ЧЕКОР - после постапката, лицето поминете го со антисептичен лосион и нанесете маска од глина или чај што делуваат антибактериско и ги затвораат порите.
