Парчињата лимон се користат како природни дезодоранси.
Овошните плодови не само што се здрави за внатрешниот организам, тие се исто така многу хранливи за кожата. Од нив, за домашна употреба, можат да се направат производи кои ќе ја одржуваат и негуваат вашата кожа.
ЈАБОЛКА
Јаболката е голем навлажнувач и тонер за вашата кожа. Исцедете една чаша јаболка и искористете ја како купка. Сокот ја чисти и омекнува кожата. Може исто така да се користи како освежувач за здивот. Ако го нанесете на скалпот на косата, ќе ви помогне при исчезнувањето на првутот. Исплакнете ја косата од шампонот и нанесете го сокот од јаболка. Исто така јаболката е полна со пектин - материја која има суштинско значење за борбата против акните.
ЛИМОН
Класична состојка за домашна нега на кожата. Лимоните се користат за чистење и освежување на кожата и косата. Исечете го лимонот на парчиња и потоа со нив нежно тријте ги тврдите делови од кожата како лактите и потпетиците. Помага и за избледување на темните дамки и дамките од акни. Парчињата лимон се користат како природни дезодоранси. Наполнете ја кадата и ставете неколку лажички сок од лимон. Ќе се чувствувате свежо во текот на целиот ден. Сок од лимон може да се додаде во омилениот тоник или шампон за да се освежува скалпот на кожата. Ја спречува и појавата на првут.
БАНАНА
Бананата е смирувач на кожата. Таа е богата со белковини и природни масти и може да се користи на сите видови кожа. Лесна маска за еластична кожа: направете пире од банана и нанесете ја насекаде. Оставете го да постои 20 минути па исплакнете го со млака вода. Пирето од банана е исто така добар навлажнувач за косата. Измешајте го со една лажица мед и со редовно користење ќе имате прекрасна коса дури и да ја фарбате често.
АНАНАС
Ананасот ја омекнува, чисти и подмладува мртвата и сува кожа. Користете парчиња ананас на грубата кожа како колената, лактите и потпетиците. Парчињата ананас можат да се користат и како сунѓер додека се бањате.
ПАПАЈА
Папајата е богата со ензимот папаин и витамин А. Ова овошје е најдобар лек за лупење на кожата. За да имате свежа и блескава кожа употребете го следниот рецепт: направете пире од папаја и додадете 3 лажички гел од алое вера. Еднаш месечно масирајте го целото тело. Оставете го пирето не подолго од 5 минути и убаво исплакнете го.
ПРАСКИ
Праските, како и бананата, ја смируваат кожата. Совршени се за сувата кожа. Пасирајте свежа праска и измешајте го со обичен јогурт се додека смесата не се направи во мазна паста. Нанесете ја смесата на кожата и оставете ја делува 20 минути и потоа исплакнете ја со млака вода. Кожата ќе ви биде навлажнета и нежна на допир.
Не чекајте летото да помине. Направете ги рецептите и веднаш почувствувајте ја разликата.
