Користете ја маската според нејзината примена и сигурно ќе добиете успешни резултати.
Кога барате совршена домашно направена маска за кожа ќе најдете премногу рецепти кои ги содржат сите состојки на планетата земја. Скоро сите од нив се здрави за кожата, но не сите маски се за секаква употреба. Сите имаат своја посебна намена. Користете ги правилно според нивната намена и сигурно ќе добиете успешни резултати. Внимавајте секогаш и на времето кое е потребно за маската да делува. Ние ви нудиме неколку рецепти кои ќе направат вашата кожа да изгледа многу поздрава и поблескава.
МАСКА ЗА МАЗНА КОЖА
Состојки:
1/2 банана
1/2 авокадо
1/2 краставица
1 лажица јогурт
1 лажица маслиново масло
Како се подготвува: Измешајте ги сите состојки во блендер. Нанесете тенок слој и оставете да дејствува 30 минути. Измијте со млака вода и на крај завршете со ладна.
МАСКА ЗА ОСВЕЖУВАЊЕ НА КОЖАТА
Состојки:
1/4 јаболко
1/2 праска
1/2 домат
1/4 шолја млеко
1 лажица бадемово масло
Како се подготвува: Излупете го овошјето и зеленчукот. Ставете го во блендар и додајте го млекото и бадемовото масло. Нанесете тенок слој и оставете да делува 30 минути.
МАСКА ЗА ЗАШТИТА ОД СОНЦЕ
Состојки:
2 лажици масло од сусам
2 лажици алое вера гел
12 капки масло од цимет
12 капки масло од лаванда
Како се подготвува: Измешајте ги сите намирници во блендер. Нанесете ја маската и оставете ја да делува колку што можете повеќе. Запомнете дека ова не е заштитна крема за сончање, обезбедува само делумна заштита од сончевите зраци
МАСКА ЗА ПОДОЧНИЦИ
Состојки:
1 лажица бадемово масло
1 лажица маслиново масло
30 капки масло од кумин
2 лажици масло од костен
Како се подготвува: Мешајте ги маслата во блендер се додека не направите паста. Нанесете под очите и оставете да дејствува 30 минути. Препорачливо е ова да се прави секој ден.
