NotForMen

Лицето треба да го чистите 2 пати дневно за да се отстранат нечистотиите од околината.

Чистото лице е првиот чекор за нега на кожата. Тоа ја заштитува кожата од секојдневното негативно влијание на околината. Негата треба да ви биде на прво место затоа што на тој начин ги отстранувате сите работи кои ви се лепат на лицето во текот на денот.

За жал, многумина не знаат како правилно да го чистат лицето. Затоа ние ви нудиме неколку лесни чекори за беспрекорно чисто лице.

Одберете продукт

Најпрво треба да одберете продукт кој ќе одговара со типот на вашата кожа. Некои сапуни или продукти кои не одговараат со вашата кожа можат да предизвикаат сушење на кожата со што таа постојано ќе се лупи и ќе биде затегната.

Чистете го лицето 2 пати дневно

Лицето треба да го чистите 2 пати дневно за да се отстранат нечистотиите од околината. Кожата не смее да се третира повеќе од 2 пати дневно за да не се отстрани природната масленост на кожата.

Недоволното чистење може да предизвика затворање на порите и секако до некое воспаление.

Мијте го лицето со млака вода

Премногу врелата вода со текот на времето ја оштетува кожата, додека пак ладната не ги отстранува нечистотиите од површината на лицето.

Миењето секогаш треба да го започнете со миење на лицето и вратот.

Мијте ги рацете

Пред да започнете со миење на лицето, најпрво измијте ги рацете за да бидете сигурни дека бактериите од рацете нема да ги пренесете на чувствителната кожа на лицето.

Средството за чистење нанесете го со кружни движења

Средството на чистење на лицето нанесете го на врвовите на прстите и со кружни движења нанесете го низ целата површина на лицето. Немојте премногу силно да триете за да не ја оштетите и иритирате кожата.

Со нежното масирање ќе ја подобрите циркулацијата, а во исто време ќе ги отстраните мртвите клетки од кожата.

Темелно измијте го лицето

Погрижете се да не оставите траги од средството за чистење затоа што тие подоцна можат да ги затворат порите и да предизвикаат појава на воспаление.

Бришете го лицето со мек пешкир

Тврдиот и крут пешкир може да ја оштети штотуку измиената кожа па затоа пронајдете доволно мек пешкир што ќе и одговара на вашата нежна кожа.

• 
  11 жешки тренда за шминка и фризура
  Amber Heard се одлучи за несреден низок кок, smoky eyes и кармин во боја на праска. ...
• 
  Celebrity трикови за фатален изглед
  Jennifer Lopez, Penelope Cruz, Аmanda Seyfried и Blake Lively ви откриваат тајната на својата убавина. ...
• 
  Топ 5 уништувачи на вашиот маникир и топ 7 продукти
  Бевте на маникир и сега сакате вашите нокти да изгледаат вака убаво средени што подолго? ...