.gif)
Избирајте пилинзи со природни честички, на пример гранули од кедрово дрво или семки од кајсија и праска.
Масната кожа на лицето може да биде причина за повеќето ваши незадоволства од надворешниот изглед. Масниот сјај кој се појавува на Т-зоната, како и појавата на акни и митесери нека биде доволен повод да посветите повеќе време на негата на овој тип на кожа.
Овие совети ќе бидат добредојдени за нега на масната кожа!
Чистење наутро и навечер
Бидејќи масната кожа е последица на нагласеното лачење на лојните жлезди како резултат на зголеменото количество на машки хормони во организмот, основата за нејзина нега се наоѓа во нејзиното правилно чистење наутро и навечер.
При изборот на средствата најчестата грешка е изборот на средства кои во својот состав содржат алкохол кој нема да ја редуцира маснотијата на кожата туку само ќе го оштети горниот слој од кожата.
Употребувајте лосиони со неутрален Ph баланс, а избегнувајте ги средствата кои во својот содржат масла. Антибактериските компоненти во гелот и пената за миење се задолжителни.
NotForMen препорака: Минерална вода за нега на вашата кожа
Пилинг и тонизирање
Избирајте пилинзи со природни честички, на пример гранули од кедрово дрво или семки од кајсија и праска.
По миењето и пилингот, тонизирајте ја кожата со тоник или лосион соодветен за овој тип на кожа.
Во домашни услови можете да направите раствор од билки и да ја тонизирате кожата неколку пати во текот на денот. Камилицата и жалфијата се идеални за таа примена.
Избирајте лосиони кои во својот состав содржат цинк кој ќе ја спречи евентуалната појава на воспаленија како последица на зголеменото лачење маснотии.
Хидратација и маски
По чистењето, масната кожата треба да ја хидратирате. За таа цел, користете креми со лесна текстура или бесмасни емулзии.
Маските од глина се идеални за овој тип на кожа, советуваат дерматолозите, притоа избирајте темна глина.
Од кујната можете да се послужите со рендани краставици помешани со лажичка исцеден сок од лимон и мало количество на немасен јогурт. Оваа смеса нанесете ја на лицето и оставете ја да делува околу 15 минути.
Во исхраната откажете се од масните и слатки продукти, додека пак за овошјето, зеленчукот и млечните производи кожата ќе ви биде благодарна.
Еве кои средства се одлични сојузници на негата на масната кожа!
-
Amber Heard се одлучи за несреден низок кок, smoky eyes и кармин во боја на праска. ... -
Jennifer Lopez, Penelope Cruz, Аmanda Seyfried и Blake Lively ви откриваат тајната на својата убавина. ... -
Бевте на маникир и сега сакате вашите нокти да изгледаат вака убаво средени што подолго? ...
.gif)
