.gif)
Доколку имате премногу чувствителна кожа на рацете дозволете си парафинско пакување за рацете во козметички салон.
Кожата на рацете во зима бара дополнителна нега. Температурите под минусот, сувиот воздух во затворените простории, домашната работа со агресивни средства - сето тоа може да биде причина за сува, испукана и непривлечна кожа на женските раце.
Време е за пилинг, маска, масажа и редовно нанесување на крема за раце, притоа за правилниот избор средства за нега е повеќе од пресуден.
Овие совети ќе ви помогнат да ја олесните зимската нега на рацете!
NotForMen препорака: Домашен СПА/С за вашите раце!
-
За често миење на рацете користете сапуни со неутрален ПХ баланс, а по миењето рацете бришете ги со памучна крпа.
- Избегнувајте подолго време да ги држите рацете во врела вода бидејќи на тој начин брзо се шират крвните садови и може да дојде до пукање на капиларите. За да го спречите тоа домашните работи извршувајте ги со гумени ракавици, а за излегување од дома набавете си типли ракавици кои ќе ја заштитат кожата на рацете.
- Користете пилинг за раце кој во својот состав содржи АХА киселини кои го забавуваат процесот на стареење кој е одличен начин за отстранување на мртвите клетки од површината на кожата и подобрување на циркулацијата.
- За да го спречите сушењето на кожата изберете хидратантни креми кои во својот состав содржат етерични масла, витамини од типот А и Д и екстракти од мед, лимон и камилица.
- Нанесувањето на кремата искористете го и за да си направите масажа со лесни кружни движења.
- За отстранување на темните дамки на кожата премачкувајте ги со парчиња лимон кој е одлично средство за освежување како и за избелување на пожолтените нокти.
- Доколку имате премногу чувствителна кожа на рацете дозволете си парафинско пакување за рацете во козметички салон. Во домашни услови еднаш или два пати неделно премачкајте ги рацете со дебел слој на крема, а потоа ставете памучни ракавици и така преспијте.
Рецепт за домашна маска за нега на кожата на рацете: Направете смеса од еден варен компир и неколку капки маслиново или бадемово масло. Истата нанесете ја на рацете и оставете да стои околу 15 минути, по што ќе ја измиете со топла вода.
Погледнете го изборот на креми за кои рацете ќе ви бидат благодарни!
-
Amber Heard се одлучи за несреден низок кок, smoky eyes и кармин во боја на праска. ... -
Jennifer Lopez, Penelope Cruz, Аmanda Seyfried и Blake Lively ви откриваат тајната на својата убавина. ... -
Бевте на маникир и сега сакате вашите нокти да изгледаат вака убаво средени што подолго? ...
.gif)
