.gif)
Промешајте малку мед и кафен шеќер и со смесата направете пилинг на усните.
Зимската атмосфера не значи да се откажете од веселите впечатливи бои на вашите нокти и усни. Следете го универзално правило – одлучете се за лак и кармин во иста нијанса и верувајте нема да погрешите!
NotForMen препорака: Уникатен маникир за вашите нокти
Нега на ноктите
Убавите нокти се вистински украс за вашите раце, но лакот нема да изгледа привлечно доколку на ноктите и кожата на рацете не им ја пружите потребната нега.
Еве кои совети треба да ги примените пред да нанесете лак во јака боја на вашите нокти:
Потопете ги рацете во сад со топла вода во која ќе додадете малку исцеден сок од лимон или морска сол и со четка четкајте ја површината на ноктите. На тој начин ќе ги отстраните сите нечистотии и ќе ја подобрите циркулацијата на кожата на рацете. Доволно се десет минути за овој третман.
Откако ќе ги извадите рацете избришете ги со крпа и пристапете кон обликување на ноктите со помош на турпија.
Додека кожата е омекната со помош на дрвено стапче за маникир отстранете ги кутикулите на ноктите по што ќе нанесете бадемово масло кое убаво ќе го втриете во кожата. Почекајте неколку минути за да се исуши и потоа пристапете кон нанесување на лакот.
За потоа полесно да го отстраните темниот лак за нокти најпрвин нанесете еден слој безбоен лак, а потоа налакирајте ги ноктите со темниот лак во два слоја. Лакот за нокти чувајте го на ладно место за да го спречите неговото згрутчување.
Нега на усните
Нема да погрешите доколку се одлучите за кармин во иста или слична нијанса како лакот на ноктите. За да го олесните нанесувањето на каминот и да ги направите усните попривлечни следете ги следниве совети!
Направете пилинг на усните. Доволно е да промешате малку мед и кафен шеќер и со смесата да ја трите кожата на усните, притоа можете да употребите четка за заби.
Следен чекор е хидратацијата на усните. Доволно е секоја ноќ пред спиење да нанесувате малку мед на усните и да го оставите на усните во текот на целата ноќ.
За прецизно нанесување на карминот најпрвин нанесете еден слој безбоен балзам или глицеринска маст во тенок слој.
Оцртајте ги усните со моливче во иста боја како и карминот. Откако ќе нанесете еден слој кармин поминете ги усните со хартиено шамивче па нанесете уште еден слој од карминот. На тој начин бојата на усните ќе биде долготрајна.
Бидете забележани со впечатлива комбинација на нијансите на вашите нокти и усни. Инспирирајте се од следниве идеи!
-
Amber Heard се одлучи за несреден низок кок, smoky eyes и кармин во боја на праска. ... -
Jennifer Lopez, Penelope Cruz, Аmanda Seyfried и Blake Lively ви откриваат тајната на својата убавина. ... -
Бевте на маникир и сега сакате вашите нокти да изгледаат вака убаво средени што подолго? ...
.gif)
