NotForMen

Многу често се случува да немате време да се средите така како што треба бидејќи ве чекаат пријателките или работата. Логично дека не ви е пријатно да се појавите во јавност како да сте излегле од поплава. Научете како со неколку брзи трикови да изгледате како да сте се подготвувале два часа.

Чисто лице за две секунди...

За да го соберете вишокот мрснотија и да ја освежите шминката, на памук ставете малку од тоникот што го користите за чистење. Нежно поминете со него, допирајте го лицето без притиснување. Потоа со марамче соберете ја влагата. Сега може повторно да ставите слој пудра.

Чиста коса за две секунди...

Најчесто проблем е мрсната коса во коренот. Врвовите најчесто се суви и не се проблем. Затоа ако немате време да ја измиете само малку попрскајте ја со пудра за тело, во коренот, и расчешлајте ја. Истиот трик можете да го користите по свадба кога на косата имате еден тон лак, а следниот ден сте на работа.

Хидратација со регенератор...

Освен на косата, ставете од регенераторот по целото тело. Масирајте се под тушот од глава до петици. Регенераторот ја има истата функција како и лосионите за тело, дава влажност и мекост на кожата, со таа разлика што не мора да чекате регенераторот да се впие во кожата пред да се облечете.

Средени нокти за две секунди...

Бидејќи немате време да се лакирате, па да чекате лакот да се исуши... едноставно со ацетон избришете ги остатоците од лак. Исчистете ја нечистотијата под ноктите, со сок од лимон доколку ви се наоѓа. Ставете каков било лосион или крем на кутикулите за да имаат здрав изглед.

За убав тен ставете розов кармин...

За да создадете совршено лице, без разлика на тенот, ставете кармин со затворена розова боја. Докажано е дека таквите усни го одвлекуваат вниманието на луѓето. Затоа никој нема да ги забележи недостатоците на лицето.

Секогаш модерна фризура...

Не знаете што да правите со косата, не сте ни да ја виткате ниту, пак, да почнете прамен по прамен да ја исправувате со пресата. Најдобро решение во ваква ситуација е да врзете коњско опавче, притоа ластичето скријте го со прамен коса. Истото може да го сторите и кога косата ви е многу мрсна. Никој нема да забележи кога е така залижана.

• 
  22 модели од летниот каталог на Mango
  Полскиот модел Magdalena Frackowiak ја долови младешката безгрижност на колекцијата. ...
• 
  Чантите на Olivia Palermo и збор, два за модата
  Некои дури ја нарекуваат и вистинската Blair Waldorf, а веќе е голема модна икона на Холивуд....
• 
  18 едноставни пролетни комбинации
  Геометриски принтови, патенти, фустанчиња со А-крој, шорцеви и што уште не! ...