NotForMen

Со доаѓањето на летото се наметна и прашањето за избор на соодветен лосион за сончање. Ова е важно прашање со оглед на штетноста на УВ-зраците и можноста од појава на рак на кожата. Преголемото изложување на сонце без заштита, ќе ја остави вашата кожа без влага, ќе добиете изгореници, некои добиваат и алергиски инфекции, а познато е и појавувањето дамки.

Доволно кажавме за потребата од ваков лосион. Но, не е доволно да купите каков било. Соодветниот лосион кој одговара на вашиот тип кожа ќе ја заврши работата. Ќе ви го олесниме проблемот со тоа што ќе ви дадеме неколку совети и факти за лосионите за полесно да се соочите со предизвикот за избирање на идеалниот вид.

Пред да го купите лосионот... прочитајте дали штити од УВБ и од УВА-зраци. Многу лосиони не штитат и од двата вида зраци иако подеднакво се штетни за кожата и одговорни за предизвикување рак.

Лосионите кои содржат СПФ-фактор ја штитат кожата само од УВБ-зраците и тоа за добри 93%  и го продолжуваат дозволеното време за изложување на сонце. За кожа со нормален тен се препорачува лосион со СПФ-фактор 15 до 20, додека за оние со бел тен кои се подложни на горење, се препорачува фактор 45.

Иако ретко кои не се, сепак проверете дали лосионот е водоотпорен. Доволно е еднаш да се искапете во водата или поинтензивно да се испотите и да отиде целата заштита. Водоотпорните лосиони се задржуваат на кожата и дејствуваат 80 минути по нанесувањето, без разлика колку често одите во вода.

Многу е подобро да употребувате лосион во вид на гел, за разлика од стандардните кремови. Ваквите лосиони се полесни, не содржат многу масла, не ја сушат кожата, а со тоа нема да предизвикаат компликации со истата. Од друга страна, многу полесно се нанесуваат и се впиваат во кожата.

Како да го нанесете... основното правило за нанесување е дека мора да ги намачкате деловите што ќе ги сончате. Лосионот се нанесува 15 минути пред излегување на сонце. Откако ќе завршите со сончањето убаво истуширајте се за да не предизвикате некакви иритации од предолгото стоење на лосионот на кожата.

Ваквите проблеми се ретки бидејќи и сами знаете дека за време на одморот кожата е особено сјајна и мека. Сепак, не смеете да заборавате по туширањето да нанесете од секојдневниот лосион за да овозможите максимална хидратација.

• 
  22 модели од летниот каталог на Mango
  Полскиот модел Magdalena Frackowiak ја долови младешката безгрижност на колекцијата. ...
• 
  Чантите на Olivia Palermo и збор, два за модата
  Некои дури ја нарекуваат и вистинската Blair Waldorf, а веќе е голема модна икона на Холивуд....
• 
  18 едноставни пролетни комбинации
  Геометриски принтови, патенти, фустанчиња со А-крој, шорцеви и што уште не! ...