.gif)
Многу жени се незадоволни од изгледот на своите нозе. Некои се жалат дека им се премногу дебели, други, пак, дека им се премногу тенки. За жал, формата на нозете не може многу да се смени, но со вежбање може убаво се дефинира тонот на мускулите и нозете да добијат секси изглед. Тоа не значи дека треба да претерувате и да направите мускули. Целта нека ви бидат убаво обликувани нозе.
Особено во летниот период нозете се на удар. Нема девојка која може да одолее на кратките и секси панталони. За да не слушате коментари дека вие немате право да ги носите од причина што немате нозе што одговараат на комбинацијата, послушајте ги следните совети:
Вежбите се наменети за секого.
Ако имате премногу тенки нозе, подобрете ги со вежби. Правете разни видови вежби за нозе. За да се влијае на обликот на нозете потребно е време. Но, со редовна рутина на вежбање сигурно дека ќе почувствувате резултати.
Вежбите се лек и за оние што мислат дека имаат премногу дебели нозе. Пливање, трчање, возење велосипед, сите три се одличен начин за директна активација на мускулите на нозете. Во комбинација со умерена и здрава исхрана неизбежна е нивната делотворност.
Понекогаш нозете иако не се дебели изгледаат тешки или можеби посоодветен термин би бил, потечени. Причината за ваквата појава е слабата циркулација или попуштените вени. Доколку и лете и зиме стапалата ви се ладни, забрзајте ја циркулацијата со масажа или со физички активности или едноставно кревајте ги нозете во вис. Не дозволувајте да стоите долго време, но ако вашата работа го налага тоа, тогаш повремено правете вежби во место.
Негата е неизбежна.
Нормално дека секси нозе се оние што се мазни и без влакна. Затоа редовно отстранувајте ги. Можете да ги бричите, да ги отстранувате со крем или да ги депилирате со восок.
Избегнувајте да се бањате под многу жежок туш. Туширањето завршете го со млаз ладна вода на нозете. Задолжително користете млеко за тело. Секогаш нанесувајте го со масажа, почнувајќи од стапалата, па нагоре. Не заборавајте ги и колената.
-
Полскиот модел Magdalena Frackowiak ја долови младешката безгрижност на колекцијата. ... -
Некои дури ја нарекуваат и вистинската Blair Waldorf, а веќе е голема модна икона на Холивуд.... -
Геометриски принтови, патенти, фустанчиња со А-крој, шорцеви и што уште не! ...
.gif)
