.gif)
Сигурно сте слушнале за smoky eyes. Ваквиот тренд е на модната сцена веќе подолг период и планира да остане уште долго бидејќи девојките се луди по него.
Ќе ви покажеме чекор по чекор како правилно да ги засените очите за да изгледате како мачка:
Многумина мислат дека клучот за ваквото шминкање е во сенчењето, ве уверуваме дека трикот лежи во мешањето на боите. Спојот на боите што се преливаат една во друга без остра граница е вистинскиот начин за очите да изгледаат секси.
Не плашите се да си играте и да комбинирате сосема спротивни бои како црно и бело или сенка со боја на модра слива и беж. Но, ајде да прејдеме на чекорите за да ви стане појасно:
Ставете подлога.
За сенката да остане подолго време на очниот капак, а не да се собере во линии, мора да се ослободите од природната мрснотија на окото. Затоа ставете малку течна пудра пред да ја нанесете сенката. Професионалните шминкери во светот користат специјална подлога наменета за одржување на сенката. За жал, сé уште не сме сретнале таков производ на нашиот пазар.
Исцртајте го очниот капак со моливче.
Ако одите на типичниот црн, кафен или сив смоки-изглед, тогаш нацртајте црна линија на капакот врз претходно нанесениот слој од сенка. Внимавајте линијата да биде веднаш до трепките и да биде најтенка во средината на капакот за очите да не бидат премногу отворени. Ако сепак се одлучите сенката да биде темновиолетова, што е полн погодок, ставете темнозелено или сино моливче.
Нанесете моливче на долниот дел од окото.
Долната линија на окото е најважниот дел од кој зависи ваквата шминка. Тука мора да бидете внимателни, не смеете да претерате со затемнувањето, но не и премногу светли тонови бидејќи така нема да го постигнете ефектот. Затоа нацртајте една линија со моливчето и со четката убаво распоредете ја по должината на целото око. За да нема нерамномерности ставете на четката и малку сенка.
Направете контраст со светла сенка.
И претходните 3 чекори се доволни за смоки-очи, но ако сакате да бидат уште повпечатливи мора да направите контраст. На очната коска, веднаш под веѓата, ставете светла сенка во која ќе има сребреникави или златни честички. Сенката е препорачливо да свети и да се прелива за линиите на окото да дојдат до израз.
Време е за сенчење.
Ова е најважната постапка во целата процедура. Потребна ви е добра четка за очи и потемна сенка. Нанесете поголем слој на капакот и покријте ја линијата од моливчето. На крајот од окото ставете уште еден слој за да биде потемен. Завршете го шминкањето со два слоја маскара.
-
Полскиот модел Magdalena Frackowiak ја долови младешката безгрижност на колекцијата. ... -
Некои дури ја нарекуваат и вистинската Blair Waldorf, а веќе е голема модна икона на Холивуд.... -
Геометриски принтови, патенти, фустанчиња со А-крој, шорцеви и што уште не! ...
.gif)
