.gif)
Трајната депилација е достапна и за жените во Македонија. Цената не е за потценување, но ништо не е скапо ако тоа значи дека трајно ќе се решите од влакната. Замислете си да не мора секој месец да закажувате депилација во салоните, а да не зборуваме за тоа колку е напорно депилирањето во домашни услови.
Но, колку ние можеме да си го допуштиме ваквиот луксуз? Колку всушност чини ваквиот зафат и дали инвестицијата е исплатлива? Цените зависат од деловите кои сакате да ги депилирате. Конкретно за лице еден третман се движи од 800 до 1000 денари.
Проблемот е тоа што на телевизија сме бомбардирани со куп реклами за ласерското депилирање, ваква метода, онаква метода, но ниту една не дава одговор на прашањата што не мачат. Од искуството на неколку клиенти и информациите на професионалците, ви ги нудиме неколкуте вистини за овој револуционерен зафат.
Мит: зрачењето од ласерската депилација е штетно!
Факт: ласерската светлина е фокусирана само на фоликулите во кожата односно на пигментот, меланин. Практично станува збор за долготрајно уништување на влакното, другите делови од кожата се потполно заштитени.
Мит: не е добро ласерски да се отстрануваат влакната под пазуви или околу дојките бидејќи тука има многу жлезди!
Факт: ласерот не пробива до ткивата кои се наоѓаат под површината на кожата, затоа во никој случај не може да им наштети. Методот на трајна депилација е потполно безбеден за сите делови на телото, освен за делот околу очите.
Мит: третманот се прави само зиме!
Факт: резултатите подобро се постигнуваат на кожа со природен тен, но слободно можат да се изведат и во летниот период. Постои само едно правило, да не се изложувате на сонце или солариум неколку дена пред и после третманот.
Мит: ласерот може да ја изгори кожата, да направи трајни дамки и флеки!
Факт: несаканите ефекти нема да настанат доколку со ласерот работи стручно лице што добро ја познава својата работа. Разгледајте ги понудите, а најмногу обрнете внимание на условите и гаранцијата што ви ја нуди салонот.
Мит: ласерската депилација е забранета на луѓето со хормонски пореметувања!
Факт: 60 % од клиентите се луѓе кај кои под дејство на хормоните се појавила видлива длакавост по телото. Што значи ова е вистински спас за сите оние девојки што имаат комплекс поради многуте влакна.
Мит: ефектот од ласерската депилација трае само 2 години!
Факт: причината за овој мит е тоа што на почеток се појавија многу третмани со ограничено дејство и што бараа повторување на постапката многу пати. Поновите ласери гарантираат траење од минимум 6 години, а во иднина се очекува и повеќе.
Мит: нема гаранција, нема резултати!
Факт: најчесто поставувано прашање е, Дали давате гаранција? Гаранција за овој третман, и за останатите слични третмани, не постои никаде во светот. Никој не може да ви гарантира дека утре нема да ви пораснат влакна. Сечија природа е различна.
-
Полскиот модел Magdalena Frackowiak ја долови младешката безгрижност на колекцијата. ... -
Некои дури ја нарекуваат и вистинската Blair Waldorf, а веќе е голема модна икона на Холивуд.... -
Геометриски принтови, патенти, фустанчиња со А-крој, шорцеви и што уште не! ...
.gif)
