NotForMen

Шминката за постари треба да биде во функција да задоволува две цели. Првата е да го подобри тенот, а втората е да скрие што повеќе брчки и недостатоци на лицето. Што значи дека вашето мото да изгледате помладо е сосема погрешно.

Всушност, така се прават и најголемите грешки. Ги користите тактиките на својата ќерка, за на крај да изгледате смешно. И покрај возраста и вие располагате со убавина, поинаква, но сепак убавина. Тоа значи дека треба да работите на тоа да ја истакнете, а да заборавите на тоа да се правите нешто што не сте.

Да почнеме со подлогата...со оглед на тоа што вашата кожа е зрела и брчките се изразени, мора да избегнувате густи пудри. Можеби мислите дека така ќе покриете сè, а всушност само ќе направите брчките да изгледаат подлабоки. Затоа користете медиум течна пудра. Гледајте да биде помасна за лицето да изгледа природно сјајно.

Нападната и тешка шминка е забранета...има многу жени што мислат дека ако стават многу шминка ќе изгледаат помладо. За зрелата кожа ова правило нема логика да важи. Темните сенки навлегуваат во брчките, ги истакнуваат, а очите стануваат пропаднати.

Светлите сенки се ваш најголем пријател...светкавите сенки на база на крем, не само што ќе ги покријат брчките туку ќе обезбедат хидратација. Капакот ќе изгледа оптегнато и еластично. Темните кругови околу очите покријте ги со една нијанса посветол коректор.

Руменилото...нека биде минимално. Не избегнувајте го бидејќи истакнатите јаболкца ќе направат да изгледате свежо. За да бидете сигурни дека ја правите вистинската работа со шминката, користете течно руменило што се нанесува како крем.

Карминот...нека биде по ваша желба. Со оглед на тоа што вашите усни се изложени на зачестено испукување, обезбедете влага со „лабело". Ништо од ова нема да биде возможно ако не користите меки и убави четки. Важно е шминката да биде правилно распределена.

• 
  22 модели од летниот каталог на Mango
  Полскиот модел Magdalena Frackowiak ја долови младешката безгрижност на колекцијата. ...
• 
  Чантите на Olivia Palermo и збор, два за модата
  Некои дури ја нарекуваат и вистинската Blair Waldorf, а веќе е голема модна икона на Холивуд....
• 
  18 едноставни пролетни комбинации
  Геометриски принтови, патенти, фустанчиња со А-крој, шорцеви и што уште не! ...