После толку време на измачување, конечно тренд станаа балеринките. Сите беа среќни на идеалното решение, без болки, а сепак дотерани за преку ден. Не помина многу време кога почнаа поплаките и коментарите дека Скопје дефинитивно не е наменето за балеринки. Одите и секое каменче го чувствувате под нога.
Има ли спас?
Предности и мани.
Високи потпетици- може да предизвикаат кршење на коските на стапалата, лесно може да паднете со нив, крвави прсти особено во лето, зараснати нокти, болки во грбот и колената, воспаление на перничињата на стапалото. Од друга страна пак, идеални се за зацврстување на мускулите, даваат одличен изглед на издолжени и секси нозе, го одржуваат доброто држење, не и штетат на Ахиловата тетива. Според истражувањата, жените кои често носат високи потпетици се подобри во кревет како резултат на еластичните и развиени мускули.
Рамни чевли- неправилно одење со нозете навнатре или влечење, болки на табаните, вкочанетост на стапалото, болки во колената. Нема шанси да паднете и да скршите некоја коска или да шинете зглоб. Подобри се за грбот. Даваат ненаметлив, но модерен и среден изглед.
Решение:
Не треба да се претерува со константно носење на двата типа. Правете баланс. После неколку дена на рамни чевли, облечете високи потпетици. Правете разлика и во моделите. Носете со подебела и потенка штикла, повисока и пониска. Истото важи и за балеринките. Има од оние кои ептен се залепени за земја, и они кои имаат подебел ѓон. Голема улога има и квалитетот. Скапите чевли од некоја позната марка се изработени од убави материјали кои, освен што не ги замирисуваат и ги одмараат стапалата.
