Новите усни траат од 6 до 8 месеци
Усните се огледало на сензуалноста на жената...тие се нејзиното најголемо еротско оружје за освојување на мажите. Сонот на секоја жена е добро познат, истакнати и полни усни. Но природата знае добро да си поигра со женските фантазии за изгледот. Вашата уста не е ни приближно слична како онаа во вашата глава???
Денес решивме да отстапиме место за сите оние девојки што сериозно размислуваат за зголемување на усните...постојат многу техники за пополнување на усните без операција.
ОПШТО ЗА КОЖНИТЕ ПОПОЛНУВАЧИ...
Постојат повеќе типови на кожни пополнувачи како силикони, колагени, или пак, нивни модифицирани и пречистени деривати. Најчесто се користат оние на база на хијалуронска киселина од причина што се биоразградливи - телото го апсорбира природно со тек на време и не остава траги на местото каде што е аплициран. Овие гелови се вбризгуваат поткожно по линијата на усната, каде што тие бабрат и го зголемуваат волуменот на поткожното ткиво на усните. Со овие гелови усните добиваат визуелен и естетски поголем волумен. Интервенцијата е безболна и налага голема прецизност при вбризгувањето на геловите. Затоа нестручно поставување на геловите предизвикува компликации, кои ги нарушуваат изгледот и функцијата на усните.
ПОВЕЌЕ ЗА ХИЈАЛУРОНСКАТА КИСЕЛИНА?
Хијалуронска киселина или хијалуронан е природен полисахарид, кој е важен градбен елемент на кожата и на сврзното ткиво. Хијалуронска киселина припаѓа на групата супстанци што се идентични кај сите живи организми. Таа може да биде од животинско или од бактериско потекло.
ДЕРМАЛНИ ФИЛЕРИ...актуелна метода за пополнување на усни.
Дермалните филери се стерилни гелови од неживотинска стабилизирана хијалуронска киселина кои се инјектираат непосредно под површината на кожата со цел да се направи корекција на одредени линии, брчки или лузни на кожата преку нивно пополнување.
Освен за ваков тип на корекција, дермалните филери се користат и за зголемување на волуменот на усните, пополнување на јаболчниците со што се зголемува нивната компактност.
НЕСКАНИ ЕФЕКТИ?
Доколку се решите за ваков вид на корекција практикувајте го стручниот совет, а аплицирањето на дермалните филери да биде спроведено од страна на стручно обучено лице со што ризикот од несакани ефекти се сведува на минимум.
Најчести несакани ефекти се точкести крвавења или мали модринки. Во текот на апликацијата на дермалниот филер може да биде присутна лесна болка на местата на убод, како и лесно црвенило по апликацијата.
Пациентот не треба да ја изложува третираната регија на екстремна топлина како бања или солариум, се додека црвенилото и отокот целосно не се повлече. (симптомите целосно исчезнуваат по една недела)
...и најважното...КОЛКУ ВРЕМЕ ТРААТ НОВИТЕ УСНИ?
Периодот на траење на кожните пополнувачи е од 6 до 8 месеци. Кожните пополнувачи што во својот состав имаат двојна молекулска верига на хијалуронската киселина, имаат подолг рок бидејќи се разградуваат побавно.
