Наместо нова долна облека, изненадете го партнерот со нова фризура
Депилирањето на вагината одамна не е задоволство само за партнерот. Отстранувањето на срамните влакненца, освен од естетски причини, жените го практикуваат и поради хигиена. Сигурно и вие ќе потврдите дека непријатноста од менструацијата на 40 степени во лето, е многу поиздржлива кога доле сте мазни.
Непријатниот мирис на вагината е неизбежен, но докажано е дека тој е далеку поинтензивен кога се задржува на срамните влакна. Затоа, без разлика што немате момче за да го изненадите со нова фризура или нема да одите на плажа, депилирањето правете го за себе. Ќе се изненадите од свежината и убавото чуство што ќе се појави и тогаш кога носите едноставна долна облека.
Со оглед на тоа што во никој случај не препорачуваме брич, освен ако не сакате уште толку да ја згуснете природната грмушка, ќе одвоиме место за типовите депилација што можете да ги побарате во салонот.
АМЕРИКАНСКА ДЕПИЛАЦИЈА
Доколку на депилаторката и кажете дека сте се одлучиле за американска депилација, тогаш ќе се ослободите од влакната на препоните. Овој тип на депилација подразбира остранување на влакната од препоните или оние влакна што се гледаат кога носите гаќи.
ФРАНЦУСКА ДЕПИЛАЦИЈА
Француската депилација уште се нарекува и делумна бразилска или Playboy депилација. Таа подразбира отстранување на влакната од усните на вагината и Венериниот брег. Карактеристично за француската фризура е вертикалната линија, со дебелина од три прста позната како стаза за слетување.
БРАЗИЛСКА ДЕПИЛАЦИЈА
За разлика од египетската депилација што подразбирала отстранување на влакната со паста од прегорен шеќер, бразилската депилација може да се изведе и со восок. Таа всушност претставува порадикална верзија на француската депилација (стазата за слетување е потенка) што опфаќа отстранување и на влакната околу аналниот отвор.
ХОЛИВУДСКА ДЕПИЛАЦИЈА
Холивудската депилација е најбараната депилација. Жените буквално станаа алергични на влакна и токму затоа станаа и фанови на холивудската фризура. Претпоставувате, станува збор за целосно остранување на влакната од целата интимна зона.
Најдобро е интимната депилација да им ја препуштите на обучените девојки кои целото искуство ќе го направат помалку болно. Бидејќи зборуваме за нежна и осетлива регија, задолжително после депилацијата нанесете крем од алое вера или онаа што содржи цинк - тоа се оние ефтини детски креми.
