Ретки се оние што може да се пофалат со нозе како на Heidi Klum, но она што го гледате на модните писти може и сами да го постигнете.
Убави, затегнати, разголени...нема маж што нема да падне на вакви нозе. Проблемот е како да дојдете до нив за брзо време. бидејќи не започнавте да вежбате со време, сега излегува дека летото ќе треба да го дочекате во фармерки. Не грижете се, со неколку мали трикови и вие ќе станете манекенка на жешкиот асфалт.
1 ОРУЖЈЕ: МЛЕКО ЗА САМОПОТЕМНУВАЊЕ
Ретки се оние што може да се пофалат со нозе како на Heidi Klum, но она што го гледате на модните писти може и сами да го постигнете. Да, сите поминувате часови во средување на лицето и покривање на недостатоците со пудра, но нозете во куси тексас панталони и тоа како може да ги поштедат вашите пори. Еве како!
Штом забележите дека времето се поправа, извадете го млекото за самопотемнување. Не она од лани, купете си ново. Не штедете, нанесете го правилно за да избегнете флеки. Пред нанесување, појдете на депилација и направете пилинг за да ја ослободите кожата од зимскиот груб слој. Ќе добите морски сончани нозе по кои сите ќе се вртат.
2 ОРУЖЈЕ: БРОНЗЕР
Конечно дојде време и за бронзерот, но овој пат освен на образите, нанесете го на нозете. Можете да најдете готово млеко за тело, или, пак во обичното сипете малку од бронзерот во прав. Нанесете тенок слој на коската под коленото. Не мачкајте го млекото, оставете време сама да се исуши и да се впие во кожата. Додека чекорите, златните честички ќе се преливаат правејќи ја кожата далеку потенка.
3 ОРУЖЈЕ: АНТИЦЕЛУЛИТНА КРЕМА
Ова е ваша последна шанса за да купите антицелулитна крема. Сигурно ја потценувате моќта на овој препарат, всушност тоа е причината поради која се откажавте. Тука е вашата грешка, потребно е малку повеќе доверба и редовност во нанесувањето. Токму за оваа цел, Nivea излезе со нов производ наменет за овој проблем. Вклучете се и вие во наградната игра! Освен кремата, добро ќе ви дојдат течности и вода.
4 ОРУЖЈЕ: ЈАЖЕ ЗА СКОКАЊЕ
Одлучете се за она во кое знаете дека ќе истраете. Подобро е да вежбате еднаш во неделата или во група, отколку да купите справа која ќе фаќа прашина после една недела. Опции има колку сакате, важно е да создадете навика. Ако се вадите со изговорот дека немате пари за аеробик или губите драгоцено време додека да стасате до салата, имаме предлог за вас! Купете си јаже за скокање. Со оваа вежба се активираат сите мускули на телото. Поставите цел да рипате 30 минути непрекинато, почнете уште еднаш, ПОЛЕКА, да го остварувате.
