Бидете екстремно внимателни со препаратите за самопотемнување!
Најбезбеден начин за добивање на убав тен е со користење на препарати за самопотемнување. Поздраво е кога изложеноста на сонце е помала. Но, постојат ризици и со препаратот за самопотемнување како на пример, портокалови раце, темни дамки... Но, затоа ние ви нудиме решение, односно неколку правила до кои треба да се придржувате за да добиете убав и блескав тен.
Обезбедете доволно време за нанесување на препаратот.
Треба да имате на располагање 2 до 3 часа ако сакате да имате убав и рамномерен тен.
Подгответе си бања.
Прво треба да се искапете и да направите пилинг на телото за да ги отстраните изумрените клетки. Сувата кожа апсорбира повеќе боја па затоа можно е да ви останат дамки.
Отстранете ги влакната. Подобро е ова да го направите пред нанесување на препаратот за да имате рамномерна боја.
Нанесете млеко за хидратација. По пилингот задолжително нанесете лосион за тело особено на колената, лактите, стапалата и петите затоа што овие делови најобично се суви.
Почнете со нанесување. Ако не сакате да добиете портокалови раце користете ракавици од латекс. Нанесете го препаратот со кружни движења.
Нанесете го препаратот на нозете, но избегнувајте ги прстите, петите, и стапалата.
Нанесете мало количество на лицето и вратот, затоа што кожата на тие места е нежна и брзо потемнува. Не заборавајте и да нанесете зад ушите и на задниот дел на вратот особено ако косата ви е кратка.
Иако повеќето луѓе не нанесуваат препарат за самопотемнување под пазувите, сепак поубаво е да го направите тоа. Нанесете мало количество и за кратко време (5 минути) нежно избришете се со марамче.
Осветлете ги критичните делови. Откако ќе завршите со нанесувањето на препаратот, нанесете лосион на лактите и колената. Ова ќе спречи тие делови да станат премногу темни.
Почекајте прапаратот убаво се впие. Избегнете контакт со се барем 15 минути. Не се облекувајте 1 час. Избегнувајте контакт со вода и не правете некоја активност што ќе ве испоти во наредните 3 часа.
