Маслото од орев и житарици со сигурност го забавува стареењето. Изобилува со доволно витамин Е за да го одржи природниот еластин, а од друга страна да ги заштити клетките од слободните радикали.
Понекогаш од што имате премногу обврски, немате време да појдете во некој салон на масажа. Затоа, постојат такви лесни масажи кои можете сами да ги изведете. Можеби ви изгледа чудно сами да си давате масажа, но доколку ги правите како што треба, ќе добиете масажа исто како во салон.
За опуштање
На дланките се наоѓаат безброј нервни завршетоци кои се директно поврзани со одредени органи. Истегнувајќи ги прстите и масирајќи ја точката помеѓу дланката и палецот, всушност ќе овозможите релаксација на цело тело. Користете масло од лаванда.
Против брчки
Маслото од орев и житарици со сигурност го забавува стареењето. Изобилува со доволно витамин Е за да го одржи природниот еластин, а од друга страна да ги заштити клетките од слободните радикали. Но, нивното anti-age дејство најмногу се постигнува со помош на масажа. Масирајте го цело лице со кружни движења, избегнувајте ги само очите.
Против подбрадокот
Застанете пред огледало, кренете ја главата и насмејте се. Дланката ставете ја под брадата и почнете да ја движите од едното до другото уво. Повторете ја постапката десет пати. Врз прстите капнете малку масло со екстракт од пченични никулци, така ќе ја нахраните кожата со витамин Е.
За убав сон
Ладните стапала се причина за несоница. Човекот не може да се опушти се додека температурата на телото не постигне рамнотежа. Загрејте 3 лажици есенцијално масло и масирајте ги ножните прсти.
Против подочници
Ако вашите очи се уморни и црвени, масирајте ја точката помеѓу веѓите. Употребете го палецот, кружејќи 8 пати на лево и 8 пати на десно, останатите прсти положете ги на границата помеѓу челото и косата.
