NotForMen

Уште од најстари времиња жената се обидува да ги истакне своите усни. Жените од античка Месопотамија биле првите жени кои го откриле и користеле карминот.

Карминот низ вековите

Тие гмечеле полускапоцен накит и го употребувале за да ги декорираат нивните усни. Античките Египјанки ваделе пурпурно-црвени бои од алги, 0.01% јод и бром што резултирало со сериозни болести. Клеопатра го имала својот кармин направен од згмечени обоени бубачки, кои давале длабок црвен пигмент. Кармини со светкави ефекти биле правени од супстанци најдени во рибни крлушки итн.

Во 1770 бил предложен закон на Парламентот дека еден брак треба да се поништи доколку жената користела козметика пред денот на венчавката. Во 19-от век, карминот не бил прифатлив за Британија. Кога кралицата Викторија го заземала тронот во 1837 таа го забранила карминот бидејќи тој бил прифатлив само за проститутки.

Денес

Но денес тој е неизоставен дел од чантата на секоја современа жена.

Истакнатите усни со свежи бои ќе бидат актуелни и оваа пролет, дури повеќе од вообичаено. Бојата на коралот со сите нијанси ќе го заземе приматот во шминката, а се друго, како римел и нежно руменило, ќе бидат само пропратен детаљ на коралните усни. Манакенките, како и познатите ѕвезди, на големи порти го дочекаа и започнаа да го применуваат овој тренд како еден од нивните мејкап трикови.

Ако имате големи усни, повеќе од сигурно ќе ви се допадне актуелноста на црвената боја на кармин и оваа пролет, а за оние пософистицираните со желба за експериметирање еве листа на кармини со нијанси од портокалова, розова боја со седефаст сјај до флуоресцентна праска.

Кога носите дречлива боја на кармин, особено обрнете внимание на подлогата, пудрата треба да е совршено нанесена, и кожата треба да изгледа чисто.

Посветлите бои на кармин одлично стојат на потенки усни, поради тоа што им додаваат волумен, а темните бои пак се препорачуваат за пополни усни.

Тие даваат свежина на вашето лице само внимавајте со каква фризура и облека ги комбинирате за да не добиете старовремски изглед. За модерен дневен изглед усогласувајте ја бојата на карминот со бојата на рамките од вашите очила.

Совет плус:

Ако сте русокоса, бирајте кармин со боја на месо, праска, светла цигла или корално црвена. Внимавајте црвениот кармин да го нанесете во тенок слој, проѕирно и природно.
Ако сте бринета, ви одговараат сите нијанси на розова, циклама, проѕирно црвена и портокалово-розова.
Ако сте црвенокоса, можете да уживате во сите нијанси на црвена. Бакарни, портокалови, сите златно кафени и портокалово жолти тонови.