NotForMen

Која е нивната тајна на младешкиот изглед на кој бесрамно се восхитуваат мажите и се восхитуваат жените?

Годините како да не оставиле трага на нејзиниот изглед. Првата асоцијација за оваа фраза е вашата некогашна професорка од средно или тетката на мајка ви, кои со секоја година плус во петта деценија од животот, изгледаат се помладо и поубаво. Која е нивната тајна на младешкиот изглед на кој бесрамно се восхитуваат мажите и завидуваат жените?

Еве кои тајни ги откривме ние за да ве доближиме до еликсирот на младоста:

Кожата околу очите, на рацете и вратот ве издава

Кожата околу очите и на вратот е потенка и понежна и затоа прва е изложена на знаците на стареење. Дополнителен фактор е и недоволната хидратација на овие делови од кожата. Затоа не штедете на кремите, млеката и лосионите. Како СОС помош против пигментацијата, лупењето и виснатата кожа користете заштитен крем со минимум СПФ 30 и ова правило почитувајте го дури и во облачните денови.

Не тријте ги очите бидејќи тоа би можело да предизвика повредување на крвни садови во кожата кои се причина за длабоки брчки. Користете антивозрасен крем за околу очи кој содржи колаген, рентинол и цинк кои се одговорни за еластичноста на кожата.

Храна и сон

Денот започнете го со шолја чај со малку шеќер. Внимавајте храната која консумирате да содржи витамини и антиоксиданси и не заборавајте на малите и слатки задоволства – шолја кафе со пријателките или саканиот и чоколадна торта за да го поттикнете хормонот на среќа. .

Сонот освен што ви овозможува телесно опуштање, ве прочистува и морално. Со сонот се бришат сите негативни емоции и вишок информации, но затоа позитивните факти длабоко се врежуваат во вашето сеќавање.

Не злоупотребувајте ги цигарите и алкохолот

Никогаш не е доцна да го прифатите фактот дека 10 годишната никотинска навика ве прави постари за 2, 5 години. Истото се однесува и за прекумерното консумирање на алкохолот. Повеќе од два алкохолни коктели може да исцртаат нови брчки на вашето лице.

Анти - стрес терапија

Нивото на кортизолот (хормонот на стресот) во крвта е една од најголемите причинители на стариот изглед на кожата. СПА третмани можете да си дозволите и во домашни услови! Друштвото на позитивни луѓе, детската смеа, малото милениче, истражувањето на природата, новото хоби може да бидат ваша идеална анти - стрес терапија.

Правилна и навремена нега на кожата и здравиот животен стил ќе ви помогнат да се спротивставите на трагите од годините и секојдневниот стрес.

• 
  22 модели од летниот каталог на Mango
  Полскиот модел Magdalena Frackowiak ја долови младешката безгрижност на колекцијата. ...
• 
  Чантите на Olivia Palermo и збор, два за модата
  Некои дури ја нарекуваат и вистинската Blair Waldorf, а веќе е голема модна икона на Холивуд....
• 
  18 едноставни пролетни комбинации
  Геометриски принтови, патенти, фустанчиња со А-крој, шорцеви и што уште не! ...